မီးဖွားချိန်ကစပြီး ကိုယ့်ရဲ့ ရင်သွေးလေးကို လုံးလောက်တဲ့ နို့ရည်တိုက်ကျွေးဖို့အတွက် အာဟာရရှိတဲ့ အစားအသောက်တွေကို စားသုံးပေးဖို့အဓိကလိုအပ်ပါတယ်။ အာဟာရဖြစ်စေမယ့် အစားအသောက်တွေကို စာသုံးပေးခြင်းဖြင့် မိမိရဲ့ ခန္ဓာကိုယ်အားကောင်းစေရုံသာမကဘဲ ရင်သွေးငယ်အတွက်ပါ အာနိသင်သက်ရောက်စေပါတယ်။ သို့ပေမဲ့လည်း နို့တိုက်ကျွေးတဲ့ အချိန်ကာလမှာ အစားမမှားဖို့အတွက် မိခင်များ အထူးဂရုစိုက်သင့်ပါတယ်။နို့တိုက်ကျွေးတဲ့မိခင်တွေအနေနဲ့ အဓိကစားသုံးသင့်တဲ့ အစားစာတွေကတော့....
(၁)မုန်လာဥနီ
မုန်လာဥနီ ဟာ ကာဘိုဟိုက်ဒရိုက် ၊ ဗီတာမင် A ၊ ဗီတာမင် C ၊ ဗီတာမင် K ၊ ဗီတာမင် E ၊ သံဓာတ် ၊ ကယ်လစီယန် ၊ ပရိုတင်း အဆီဓာတ်များ လုံလောက်စွာ ပါဝင်တာကြောင့် နို့တိုက်ကျွေးတဲ့မိခင်တွေအတွက် နို့ရည်ထုတ်လုပ်မှုကိုအကောင်းဆုံး အထောက်အကူပြုမြှင့်တင်ပေးနိုင်ပါတယ်။ မုန်လာဥနီကို ပုံမှန်စားသုံးပေးခြင်းဟာ နို့တိုက်ကျွေးတဲ့ မိခင်တွေအတွက် တကယ့်ကိုအံ့အားသင့်စရာ ကောင်းလောက်အောင် အကျိုးများစေတာကို တွေ့မြင်ရပါတယ်။
(၂)ဟင်းနုနယ်ရွက်
အစိမ်းရောင် ဟင်းနုနယ်ရွက်ဟာ ဗီတာမင် C ၊ ဗီတာမင် E အပြင် သံဓာတ် နဲ့ ပရိုတင်းကြွယ်ဝစွာ ပါဝင်တာကြောင့် ကိုယ်ဝန်ဆောင်ကာလအချိန်ထဲကတောင် စားသုံးပေသင့်တဲ့ အစားအစာတစ်မျိုးပဲ ဖြစ်ပါတယ်။
(၃) နနွင်းမှုန့်
နနွင်းမှုန့် ကတော့ မြန်မာလူမျိုးတွေအကြိုက်အများဆုံးဖြစ်တဲ့ မရှိမဖြစ် ဟင်းခတ်အမွှေးအကြိုင်တစ်မျိုးဖြစ်ပါတယ်။ နနွင်းမှုန့်ကလည်း မိခင်နှင့်ကလေး ကျန်းမာရေးအတွက် အရမ်းအသုံးဝင်တာကြောင့် မြန်မာ့ရိုးရာတိုင်းရင်းဆေးအဖြစ်ပါ အသုံးပြုနေတာ တွေ့ရပါတယ်။ ဒါ့အပြင် နို့တိုက်ကျွေးတဲ့ မိခင်တွေအနေနဲ့ နို့သီးခေါင်းကွဲအက်ခြင်းကိုလည်း အကောင်းဆုံး ကုစားပေးနိုင်ပါတယ်။
(၄) ဂျင်းနဲ့ ကြက်သွန်ဖြူ
ဂျင်းနဲ့ကြက်သွန်ဖြူတို့ကလည်း နို့တိုက်ကျွေးတဲ့ မိခင်တွေအတွက် ခန္ဓာကိုယ်အားကို မြှင့်တင်ပေးတဲ့ အသင့်တော်ဆုံး အစားအစာများအဖြစ် မပါမဖြစ်တာကြောင့် ထည့်သွင်းဖော်ပြပေးသင့်တဲ့ အစားစာတွေပဲဖြစ်ပါတယ်။ ကဲ..Myanmarload ပရိသတ်တွေထဲက နို့တိုက်ကျွေးတဲ့မိခင်တွေအနေနဲ့ သိထားသင့်တဲ့ ကျန်းမာရေးသိကောင်းစရာလေးတွေကို ဖတ်ရှု့လို့ရအောင် တစ်ဆင့်ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - HYA (kyarlay)