ဆောင်းရာသီးရဲ့ အေးချမ်းလှတဲ့ ရာသီဥတုဒဏ်ကိုခံစားရတဲ့အချိန်မှာတော့ ဂျပန်နိုင်ငံအတွင်းမှာ ပွဲတော်လေးတစ်ခုကို ကျင်းပလေ့ရှိပါတယ်။ဒီပွဲတော်လေးကတော့ ရေချိုးပွဲတော်ဖြစ်ပြီး ဒီပွဲတော်လေးကျင်းပပုံကတော့ ယှဉ်ပြိုင်သူတွေဟာ ရေခဲရေတွေ ရေခဲတုံးတွေထည့်ထားတဲ့ အေးစက်နေတဲ့ရေကန်ထဲကို အတွင်းခံသာဝတ်ဆင်ပြီး ဝင်ရောက်ရေစိမ် ၊ ရေချိုးရတာပဲဖြစ်ပါတယ်။
ရာသီဥတုအေးနေတဲ့အချိန်မှာ အတွင်းခံလေးရဲ့ ရေခဲရေတွေကို လောင်းချိုးဖို့ဆိုတာက တကယ့်ကို မဖြစ်နိုင်လောက်အောင်ပါပဲ ။ ဘေးကရပ်ကြည်နေတဲ့သူတွေတောင် အေးလို့ အနွေးထည်တွေ ဝတ်ထားတဲ့အချိန်မှာ ကိုယ်က ရေခဲရေတွေလောင်းချိုးနေရတာက ဘယ်လောက်တောင် ခက်ခဲလိုက်မလဲနော်။
ဒါပေမယ့် ဂျပန်နိုင်ငံမှာတော့ ဒါကို နှစ်စဉ်ပွဲတော်တစ်ခုအနေနဲ့ ကျင်းပနေတာပဲဖြစ်ပါတယ်။ဒီပွဲတော် ကျင်းပရတဲ့အကြောင်းရင်းဟာဆိုရင်လည်း နှစ်သစ်တစ်နှစ်တာလုံးကို ကိုယ်ရောစိတ်ပါ သန့်ရှင်းစင်ကြယ်စေဖို့ အတွက် ရေခဲရေဖြင့် ရေလောင်းချိုးကြတာ ဖြစ်တယ်လို့သိရပါတယ်။ဒီပွဲတော်ကျင်းပနေတဲ့ ပုံတွေကိုမြင်ရတာနဲ့တင် သူတို့တော်တော်အေးနေမှန်းသိသာနေပြီး ကိုယ်တိုင်သာပါဝင်ရမယ်ဆိုလို့ကတော့ အအေးမခံနိုင်လို့ ထွက်ပြေးမိမှာပါပဲ။
သတင်း အရင်းအမြစ်៖ Nipponnews
Bong I.T