ပရိသတ်အချစ်တော် သရုပ်ဆောင် ဦးဒိန်းဒေါင်ကတော့ အဆိုတော် ယုန်လေးဆီမှ မကြာသေးခင်က ပုဇွန်ကင်တွေကို လက်ဆောင်အဖြစ်ရလိုက်ပြန်ပါတယ်။ အနုပညာလောကမှာ အောင်မြင်မှုတွေကို တစ်ခဲနက်ရရှိထားတဲ့ ဒိန်းဒေါင်က သရုပ်ဆောင်အလုပ်အပြင် ဟာသလူရွှင်တော်တစ်ယောက်အနေနဲ့ ပရိသတ်တွေရဲ့ ချစ်ခင်အားပေးမှုကို တစ်ခဲနက်ရရှိထားတာကို တွေ့ရပါတယ်။
ယခုလက်ရှိမှာ အနုပညာလှုပ်ရှားမှုတွေကို ရပ်နားထားတဲ့ ဒိန်းဒေါင်က ပရဟိတလုပ်ငန်းတွေကို ဦးစီးဦးဆောင်လုပ်ကိုင်နေပြီး ချွန်တွန်း ပရဟိတအဖွဲ့ကိုလည်း ဖွဲ့စည်းတည်ဆောင်ထားပါသေးတယ်။ မွန်မြတ်လှတဲ့ လုပ်ငန်းတွေကို လုပ်ဆောင်နေတဲ့ သူ့ကို ပရိသတ်တွေသာမကပဲ အနုပညာရှင်အချင်းချင်းကပါ အားပေးအချစ်ပိုနေတာလည်း ဖြစ်ပါတယ်။ ဒိန်းဒေါင်ကို ချစ်ခင်ကြသူတွေထဲမှာ အဆိုတော် ယုန်လေးကလည်း အပါအဝင်ပါ။
ယုန်လေးက ဒိန်းဒေါင်ကို လေးစားတာကြောင့် ပုဇွန်ကင် လက်ဆောင်ပေးလိုက်ပါသေးတယ်။ ဒါကို ဒိန်းဒေါင်က လူမှုကွန်ယက်ထက်မှာ " အဆိုတော်မိုးမိုးထံမှဝယ်ယူ၍အဆိုပညာသင်ကြားပေးခဲ့သောကျွန်တော့်ကိုတပည့်ကျော်အဆိုတော်ယုန်လေးမှကန်တော့သည့်ပုဇွန်ကင်ပါ " ဆိုပြီးရေးသားကာ တင်ပေးလာတာဖြစ်လို့ ချစ်ရတဲ့ ပရိသတ်တွေ ကြည့်ရှုစေဖို့အတွက် ပြန်လည်တင်ဆက်ပေးလိုက်ပါတယ် ။
သတင်း အရင်းအမြစ်៖ Source - Dain Daung's Facebook Account