ပရိသတ်ကြီးရေ..ကမ္ဘာကြီးပေါ်မှာ ရှင်သန်နေထိုင်တဲ့ သတ္တဝါ များစွာရှိတဲ့အထဲမှာမှ ကျနော်တို့ နေ့စဉ်မြင်တွေ့နေကျ မဟုတ်တဲ့ သတ္တဝါ များစွာရှိပါတယ်။ ထိုသတ္တဝါလေးတွေဟာ ကုန်းနေသတ္တဝါ ၊ ရေနေသတ္တဝါနဲ့ ငှက်မျိုးစိတ်တွေမှာပါ ရှိနေပါတယ်။ တချို့သော သတ္တဝါတွေကတော့ ထူးဆန်းစွာ အသက်ရှင်ကြပြီး တချို့မျိုးစိတ်တွေကတော့ ယနေ့ချိန်မှာ ရှားပါးနေပြီဖြစ်ပါတယ်။
ဒီတစ်ခါ ပရိသတ်ကြီးအတွက် ဗဟုသုတဖြစ်ဖွယ် ဖော်ပြပေးချင်တာကတော့ မြားဂဏန်းဆိုတဲ့ အကောင်လေးတွေပဲဖြစ်ပါတယ်။ ပုံမှာ မြင်တွေ့ရတိုင်း ထူးခြားတဲ့ ပုံသဏ္ဍာန်ရှိတဲ့ ဒီအကောင်လေးတွေဟာ ဂဏန်းမျိုးစိတ်ထဲမှာ ပါဝင်နေတယ်လို့လည်းသိရပါတယ်။ ပရိသတ်ကြီးရော အဲ့လိုမြားပုံစံရှိတဲ့ ဂဏန်းကို အပြင်မှာ မျက်မြင်ကိုယ်တိုင် တွေ့ဖူးကြပါသလား။ သူတို့ကိုအပြင်မှာ တွေ့ဖို့ဆိုတာ တော်တော်ခတ်ခဲလှပါတယ်။
ထိုမြားဂဏန်းလေးတွေရဲ့အရွယ်အစားကတော့ ၁လက်မလောက်သာရှိပြီး ခြေတံတွေကတော့ ၄လက်မ အထိရှိပါတယ်။ ပုံမှန်အားဖြင့် တွေ့မြင်ရခဲလှပြီး အနီးကပ် သေချာလေ့လာချင်သူများအတွက် အင်္ဂလန်နိုင်ငံက ငါးပြတိုက်တစ်ခုမှာ ပြသထားတယ်လို့ ဗဟုသုတအဖြစ် ဖော်ပြပေးလိုက်ပါတယ်။ မြားဂဏန်းလိုမျိုး တချို့သောမျိုးစိတ်တွေဟာလဲ အပြင်မှာ မျက်မြင်ကိုယ်တိုင်တွေကြုံဖို့ခဲယဉှ်လှပြီး တော်တော်များများကိုတော့ ပြတိုက်တွေမှာပဲကြည့်ရင်း လေ့လာကြရပြီးဖြစ်ပါတယ်။
သတင်း အရင်းအမြစ်៖ Wildlife