မိုးအေးအေးမှာ ရေချိုးပျင်းသူတွေအတွက် အထောက်အကူုပြုမယ့် အချက်(၆) ချက်

မိုးကလဲအေး၊ ရေကလဲအေးနေတော့ ရေနွေးတည်ရမှာပျင်းတာရယ်၊ အေးလို့ရေမချိုးချင်ဘူးဆိုသူတွေရယ်..ဒီအချက်လေးတွေကို ဖတ်ကြည့်ပြီး အသုံးချနိုင်တယ်နော်။

၁-ညတည်းက Deodorantလိမ်းအိပ်ပါ။

တကယ်လို့ သင်က မနက်စောစော ထဖို့လည်းမသေချာ၊သွားစရာ လာစရာရှိနေပြီဆိုရင်တော့ ဒီနည်းကို သုံးထားတာ ပိုကောင်းပါလိမ့်မယ်။မနက်ထတဲ

၂- ခြေဖဝါးကို ဆပ်ပြာနဲ့ ဆေးပါ။

ခြေဖဝါးဆိုတဲ့နေရာဟာ တစ်နေ့လုံးမှာ ဘက်တီးရီးယားတွေ အလွန်တရာ ကပ်ငြိနေတဲ့နေရာပါ။ဒါကြောင့် သင့်အနေနဲ့ ရေချိုးခန်းဝင်တဲ့အချိန်တိုင်း ခြေထောက်ဆေးပေးဖို့ လိုအပ်ပါတယ်။ဒါ့အပြင် ခြေထောက်မှာ ရှိနေတဲ့ ခြေဆီတွေ၊ဖုန်တွေက အနံ့ဆိုးတွေ ထွက်တတ်တဲ့အတွက် သင့်အနေနဲ့ ရေချိုးဖို့ အလျင်မမှီရင်တောင် ခြေထောက်နဲ့ ခြေဖဝါးကို ဆပ်ပြာနဲ့ သန့်စင်ပေးပါ။

၃-တင်းကြပ်လွန်းတဲ့ အဝတ်အစားတွေကို ရှောင်ပါ။

ဒီလို ရေချိုးမထားတဲ့နေ့တွေ့မှာ တင်းကြပ်လွန်းတဲ့အဝတ်အစားတွေကို တတ်နိုင်သမျှငြင်းပါ။အဝတ်အစားတွေ တင်းကြပ်တဲ့အခါ စိတ်မသက်မသာ ဖြစ်တဲ့အပြင် ချွေးပိုထွက်တတ်တဲ့အတွက် အနံ့ဆိုးတွေဖြစ်ပေါ်စေတတ်ပါတယ်။သင့်အနေနဲ့ ချည်သားတွေ၊ပိုပြီး သက်တောင့်သက်သာဖြစ်တဲ့ အဝတ်အစား ပွပွလေးတွေကိုသာ အသုံးချသင့်ပါတယ်။

၄-Dry Shampooဆောင်ပါ။

ဆံပင်ဆိုတာ လူတစ်ယောက်ရဲ့ ဒုတိယမျက်နှာပါ။သင့်အနေနဲ့ ညစ်ပတ်ပြီး အဆီပြန်ပွရှုပ်နေတဲ့ ဆံပင်နဲ့ အပြင်ထွက်ချင်မှာမဟုတ်သလို ပုံပန်းမကျတဲ့ဆံပင်ကလည်း သင့်ကို လှအောင် ကူညီနိုင်မှာမဟုတ်ပါဘူး။ဒီလိုအချိန်မျိုးမှာ မြန်မြန်ဆန်ဆန်ခေါင်းလျှော်လို့ အဆင်မပြေရင် Dry Shampoo ကိုသာ ပြေးမြင်လိုက်ပါ။Dry Shampooကို ဦးရေပြားရဲ့ဆယ်လက်မလောက်အကွာကနေ ဖြန်းပြီး ဆံပင်အရင်းတွေကို ဖွဖွလေး နှိပ်နယ်ပေးလိုက်ရင် ပိုပြီး ကောင်းမွန်တဲ့ ရလဒ်ကို သင်ရရှိပါပြီ။

၅-ရေမွှေးသုံးပါ။

လူတိုင်းက ရေမွှေးကို များသောအားဖြင့် လက်ကောက်ဝတ်မှာ ဆွတ်လေ့ရှိပါတယ်။ဒါပေမယ့် သင်ရေချိုးမထားတဲ့နေ့မှာ ဒီနည်းက ကြာကြာမခံနိုင်ပါဘူး။အဲဒီအစား လက်ကောက်ဝတ်ရယ်၊လည်ပင်းနဲ့ ပခုံးတွေကို တစ်ချက်စီ ဖြန်းပါ။ဘာကြောင့်လဲဆိုတော့ အခြား ခန္ဓာကိုယ်အစိတ်အပိုင်းတွေထက် အဆိုပါနေရာတွေမှာ ရှိတဲ့ အနွေးဓာတ်က သင့်ရေမွှေးနံ့ကို ပိုကြာရှည်ခံစေတဲ့အတွက် ဖြစ်ပါတယ်။

၆- ဖိနပ်တွေကို သန့်ရှင်းအောင်ထားပါ။

စီးနေကျ ဖိနပ်တွေ၊ ရှုးတွေကလည်း ဘက်တီးရီးယားတွေ ပေါက်ဖွားနိုင်ပြီး အနံ့ဆိုးတွေ ထွက်တတ်လို့ သင့်အနေနဲ့ ဖိနပ်တွေကို သုတ်ဖို့ အချိန်မရရင်တောင် ခြေဖဝါးပေါ်နဲ့ ဖိနပ်ပေါ်ကို Baby Powder အနည်းငယ်ဖြူးပြီး ခြေထောက်ခြောက်အောင်၊ဘက်တီးရီးယားပေါက်ဖွားမှုနည်းအောင် လုပ်ဆောင်နိုင်ပါတယ်။

သတင်းအရင်းမြစ် MODA