သားဦးလေး ပိုင်ဆိုင်ရရှိခဲ့ပြီဖြစ်တဲ့ BIGBANG အဖွဲ့ဝင်အဆိုတော် Taeyang

တစ်ချိန်တစ်ခါက ပရိတ်သတ်တွေ ချစ်ခင်အားပေးကြရတဲ့ တောင်ကိုးရီးယားနိုင်ငံ အဆိုအဖွဲ့ BIGBANG အဖွဲ့ဝင် အဆိုတော် Taeyang ဟာ ဒီကနေ့ ဒီဇင်ဘာ (၆)ရက်နေ့မှာ သားဦးလေးကို ပိုင်ဆိုင်ရရှိကြောင်း ကြေငြာလာခဲ့ပါတယ်။ပရိတ်သတ်တွေကလည်း ဒီသတင်းကြောင့်အရမ်းကိုဝမ်းသာနေကြတာပဲဖြစ်ပါတယ်။

Taeyang နဲ့ သူ့ရဲ့အမျိုးသမီးတို့ဟာ (၂၀၁၄)ခုနှစ်မှာရိုက်ကူးခဲ့တဲ့ Taeyang ရဲ့ "1AM" Music Video မှာစတင်တွေ့ဆုံခဲ့ကြတာဖြစ်ပြီး (၂၀၁၈)ခုနှစ် ဖေဖော်ဝါရီလမှာ လက်ထပ်ခဲ့ကြတာပဲဖြစ်ပါတယ်။သူတို့နှစ်ဦးဟာ လိုက်ဖက်လွန်းတဲ့အတွက် ပရိတ်သတ်တွေအနေနဲ့လည်း အရမ်းကိုသဘောကျခဲ့ကြတာပဲဖြစ်ပါတယ်။

လက်ရှိ သားလေးမွေးခဲ့တဲ့အကြောင်းကို Taeyang ရဲ့ Entertainment ဖြစ်တဲ့ YG Entertainment က အတည်ပြုထုတ်ပြန်ခဲ့တာပဲဖြစ်ပါတယ်။သားလေး အနေနဲ့ ကျန်းမာသန်စွမ်းစွာမွေးဖွားလာကြောင်းကိုလည်း ထပ်မံဖြည့်စွက်ပြောကြားခဲ့ပါသေးတယ်။ပရိတ်သတ်တွေအနေနဲ့လည်း Taeyang နဲ့ သူ့ရဲ့သားလေးပုံကို ရင်ခုန်စွာစောင့်မျှော်နေကြတာပဲဖြစ်ပါတယ်။