နှစ်လကျော်ကြာပြီးနောက် စပိန်နိုင်ငံရှိ La Palma မီးတောင်ဟာ ပေါက်ကွဲနေဆဲဖြစ်ပါတယ်။ ချော်ရည်အသစ်များ စီးဆင်းမှုကြောင့် လွန်ခဲ့တဲ့ တစ်လကျော်ကဘေးလွတ်ရာသို့ ရွှေ့ပြောင်းခဲ့ရတဲ့ La Laguna မြို့ကတော့ မြို့ပျက်ကြီးသဖွယ် ဖြစ်နေခဲ့ပါပြီ။ ကျွန်းပေါ်ရှိ နေအိမ်များနှင့် အဆောက်အအုံ ထောင်ပေါင်းများစွာလည်း ပျက်စီးခဲ့ပြီး လူအများအပြား အိုးအိမ်စွန့်ခွာ ထွက်ပြေးခဲ့ရပါတယ်။
အဆိုပါ မီးတောင်ဟာ စက်တင်ဘာ (၁၉) ရက်က စတင်ပေါက်ကွဲခဲ့ပြီး နောက်ပိုင်း ယခုအချိန်ထိ ရပ်တန့်သွားခြင်းမရှိဘဲ ချော်ရည်များ ဆက်လက်ထွက်ရှိနေတုန်းပဲ ဖြစ်ပါတယ်။ ၂၀၀၀ ခုနှစ်ကလည်း အလားတူ မီးတောင်ပေါက်ကွဲမှုဖြစ်ပွားခဲ့ပေမယ့် ယခုတစ်ခါပေါက်ကွဲမှုကတော့ အဆိုးအရွားဆုံးဖြစ်ပွားခဲ့တာ ဖြစ်ပါတယ်။
အပေါက် (၉) ပေါက်ကနေ ထွက်ရှိခဲ့တဲ့ ချော်ရည်ပူများဟာ (၁)နာရီလျှင် မီတာ (၂၀၀) အမြန်နှုန်းဖြင့် စီးကျလာပြီး ကျေးရွာ (၄)ရွာကိုဖြတ်ကာ ပင်လယ်ထဲကို စီးဆင်းသွားခဲ့တာ ဖြစ်ပါတယ်။ နီရဲတောက်နေတဲ့ ချော်ရည်များက ကျေးရွာများကို ဝါးမြိုထားတဲ့ မြင်ကွင်းကတော့ တကယ့်ကို တုန်လှုပ်စရာဖြစ်ရပါတယ်။ တချို့နေအိမ်တွေဆိုရင်တော့ ပြာမှုန့်များ ဖုံးလွှမ်းသွားခဲ့လို့ ပျောက်ကွယ်လုဆဲ ဖြစ်ပေါ်နေခဲ့ပါတယ်။
သတင်း အရင်းအမြစ်៖ Source - CGTN
Bong I.T