ဟင်းသီးဟင်းရွက်ခူးနေရင်း စပါးအုံးမြွေကြီးတစ်ကောင် မြိုတာခံလိုက်ရတဲ့ အမျိုးသမီးတစ်ယောက်အကြောင်းကို ဖော်ပြပေးချင်ပါတယ်။ ဒီအမျိုးသမီးရဲ့ နာမည်ကတော့ Wa Tiba ဖြစ်ပြီး သူဟာ အင်ဒိုနီးရှားနိုင်ငံ Muna Island မှာနေထိုင်သူတစ်ဦးပဲဖြစ်ပါတယ်။ အသက်အရွယ်အားဖြင့်တော့ မြွေမြိုမခံရခင်မှာ 54 နှစ်ရှိနေပြီပဲဖြစ်ပါတယ်။
Tiba ဟာ ဟင်းရွက်ခူးနေစဉ်မှာ ပျောက်ဆုံးသွားခဲ့တာဖြစ်ပြီး မိသားစုဝင်တွေနဲ့ ရွာသားတွေက နှစ်ရက်လောက်အပြင်းအထန်ရှာဖွေခဲ့ကြပါတယ်။ အဲ့ဒီနောက်မှာတော့ ရွာသားတွေဟာ သူမရဲ့ ဥယာဉ်အနားမှာ Tiba ရဲ့အသုံးဆောင်ပစ္စည်းအချို့နဲ့အတူ 23 ပေရှည်တဲ့ စပါးအုံးမြွေကြီးတစ်ကောင်ကို တွေ့ခဲ့ပါတယ်။ မြွေကြီးရဲ့ ဗိုက်ဟာ ဖောင်းကားပြီး တခုခုကို မြိုထားသလိုဖြစ်တာကြောင့် ရွာသားတွေဟာ မြွေကြီးကိုသတ်ပြီး ဗိုက်ကိုခွဲလိုက်တဲ့အခါမှာတော့ စိတ်မကောင်းစွာနဲ့ပဲ Tiba ရဲ့အလောင်းကိုတွေ့ခဲ့ရပါတယ်။
Tiba ကိုတော့ မြွေကြီးရဲ့ ဗိုက်ထဲမှာ သူမ မပျောက်ဆုံးခင်က ဝတ်ထားတဲ့အဝတ်အစားအတိုင်းတွေ့ခဲ့ရပြီး မျက်နှာကတော့ နည်းနည်းပုံပျက်နေပြီပဲဖြစ်ပါတယ်။ အင်ဒိုနီးရှားမှာတော့ ဒီလိုဖြစ်ရပ်မျိုးတွေ ခဏခဏဖြစ်ပေါ်လေ့ရှိပြီး အန္တရာယ်များတဲ့နေရာတွေသွားတဲ့အခါ ဒီလိုအဖြစ်ဆိုးမျိုးတွေကနေ ရှောင်ရှားနိုင်စေဖို့အတွက် ဗဟုသုတအနေနဲ့ ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Daily Mail