အဆိုတော် စန္ဒီမြင့်လွင်ရဲ့ တစ်ဦးတည်သောသမီးလေး ထရက်ရှာလေးကတော့ တစ်နေ့တခြား မျက်စိအောက်ကနေ အရွယ်လေး ရောက်လာတာနဲ့အမျှ ပရိသတ်တွေရဲ့ အချစ်တွေကိုလည်း ပိုမိုရလာတာ တွေ့ရပါတယ်။ တစ်ခါတလေ မေမေစန္ဒီမြင့်လွင် နဲ့အတူ ကြော်ငြာလေးတွေ ရိုက်ကူးနေရင်လည်း လူကြီးလေးလို အိုင်တင်လေးတွေလုပ်ပြတတ်တာကတော့ အသည်းယားစရာ ကောင်းလောက်ပါတယ်။
ဖေဖေမေမေတို့ရဲ့ အသည်းတစ်ခြမ်းဖြစ်တဲ့ ထရက်ရှာလေးကတော့ လက်ရှိမှာ အသက်(၂)နှစ်အရွယ်တောင်ရှိနေပြီး ဖြစ်ပါတယ်။ မကြာခဏဆိုရင်လည်း မေမေစန္ဒီမြင့်လွင် ကတော့ သမီးလေးရဲ့ ချစ်စရာကောင်းလွန်းတဲ့ လှုပ်ရှားမှုတွေကို ဗီဒီယိုလေးတွေရိုက်ကူးပြီး ပရိသတ်တွေ အသည်းယားအောင် လူမှုကွန်ယက်ပေါ်မှာ ဖော်ပြပေးတာ တွေ့ရပါတယ်။ ယခုမှာလည်း မေမေစန္ဒီမြင့်လွင်က ထရက်ရှာလေးရဲ့ ဗီဒီယိုဖိုင်တစ်ခုကို ဖော်ပြလာခဲ့ပါတယ်။
ဒီတစ်ခါမှာတော့ ထရက်ရှာလေးက ဖေဖေနဲ့အတူ Tennis ကစားကွင်းကို လိုက်သွားပြီး ကွင်းထဲမှာ ဆော့ကစားနေတာ ဖြစ်ပါတယ်။ လူကြီးလေးလို ဘက်တံလေးကိုင်ပြီး ဖေဖေနဲ့ ဆော့ကစားနေတာကတော့ အသည်းယားစရာကောင်းလောက်ပါတယ်။ မေမေ စန္ဒီမြင့်လွင်ကတော့ ထရက်ရှာလေး Tennis ကစားဖို့အတွက် တစ်ပါတ်တစ်ခါလောက် ကစားကွင်းကို ခေါ်သွားပြီး အစပြုနေတယ်လို့ ပြောပြထားတာလည်း တွေ့ရပါတယ်။ ထရက်ရှာလေးတို့ သားဖနှစ်ယောက်ရဲ့ Tennis ဆော့ကစားနေတဲ့ ရုပ်သံကို ပရိသတ်တွေ ချစ်အားပိုအောင် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - Sandy Myint Lwin