ယနေ့ အောက်တိုဘာ(၂၆)ရက်နေ့တွင် ကျင်းပပြုလုပ်မည့် အာဆီယံ-အမေရိကန် အွန်လိုင်းအစည်းအဝေးသို့ အမေရိကန်ပြည်ထောင်စု သမ္မတ မစ္စတာ ဂျိုးဘိုင်ဒင် တက်ရောက်မယ်လို့ ဘရူနိုင်းနိုင်ငံရှိ အမေရိကန်သံရုံးက ရိုက်တာသတင်းဌာနသို့ပြောကြားလာခဲ့ပါတယ်။ သမ္မတ ဂျိုးဘိုင်ဒင် ဟာ အာဆီယံ-အမေရိကန် အစည်းအဝေး ကိုယ်စားလှယ်အဖွဲ့ခေါင်းဆောင်အဖြစ် တက်ရောက်မည်ဖြစ်ကြောင်း ယင်းသံရုံးကဆိုလာပါတယ်။
အဆိုပါ အာဆီယံ-အမေရိကန် အစည်းအဝေးဟာ အာဆီယံထိပ်သီးအစည်းအဝေးရဲ့ အစိတ်အပိုင်းတစ်ခုဖြစ်တဲ့အပြင် ဒီအစည်းအဝေးမှာ အာဆီယံနိုင်ငံများနှင့်ပတ်သက်တဲ့အကြောင်းအရာတွေကို အဓိကထားဆွေးနွေးမယ်လို့ ခန့်မှန်းရပါတယ်။
အဆိုပါ အာဆီယံ-အမေရိကန် အစည်းအဝေးကို ဂျိုးဘိုင်ဒင်က အွန်လိုင်းမှတက်ရောက်မှာဖြစ်တဲ့အကြောင်း ဘရူနိုင်းနိုင်ငံရှိ အမေရိကန်သံရုံးက ရိုက်တာသတင်းဌာနသို့ ဖြေကြားထားခဲ့တဲ့အပြင် အာဆီယံထိပ်သီး အစည်းအဝေးမတိုင်မီ ယမန်နေ့ အောက်တိုဘာ(၂၅)ရက်နေ့တွင်လည်း အမျိုးသားညီညွတ်ရေးအစိုးရ(NUG)နှင့် အမေရိကန် သမ္မတဂျိုးဘိုင်ဒင်ရဲ့ အမျိုးသားလုံခြုံရေးအကြံပေးတို့ကြား စစ်ကောင်စီအပေါ် ထိရောက်စွာ ဆောင်ရွက်နိုင်ရေး ဆွေးနွေးခဲ့ကြသေးတယ်လို့ ကြားသိရပါတယ်။