ကမ္ဘာကျော်ဗြိတိန်အဆိုတော် Ed Sheeran တစ်ယောက်ကိုဗစ်- 19 ရောဂါကူးစက်ခံထားရတယ်လို့ သိရှိရပါတယ်။စစ်ဆေးမှုအပြီး ရောဂါကူးစက်ခံထားရကြောင်း သိရှိပြီးနောက်မှာ Ed Sheeran တစ်ယောက်သီးခြားခွဲနေလျှက်ရှိကြောင်း သူ့ရဲ့လူမှုကွန်ရက်စာမျက်နှာမှာ အခုလိုရေးတင်ထားပါတယ်။
" ဟေး.. မိတ်ဆွေတို့
စိတ်မကောင်းစွာနဲ့ကျွန်တော့်မှာကိုဗစ်ရောဂါကူးစက်ခံ ထားရပြီဆိုတာကိုပြောပါရစေ။ကျွန်တော်အခု အစိုးရရဲ့စည်းမျဉ်းစည်းကမ်းတွေနဲ့အညီ သီးခြား နေထိုင်နေပါတယ်။အဓိပ္ပာယ်ကကျွန်တော်ခင်ဗျားတို့နဲ့ လူချင်းတွေ့ဆုံတာမျိုး၊အလုပ်ကိစ္စတွေလူချင်းတွေ့ပြီး လုပ်တာမျိုးတော့ လုပ်လို့မရတော့ဘူး။စီစဉ်ချိန်းဆိုထားပြီးတဲ့ အင်တာဗျူးတွေ၊ဖျော်ဖြေပွဲတွေကိုတော့တတ်နိုင်သမျှ အိမ်ကနေပဲပြုလုပ်ပေးသွားပါ့မယ်။ကျွန်တော့်ရဲ့ အဆင်မပြေဖြစ်သွားမှုအတွက်အားလုံးကို တောင်းပန်ပါတယ်။အားလုံးပဲ အန္တရာယ်ကင်း၊ကျန်းမာစွာ နေထိုင်ကြပါ။" လို့သူ့ရဲ့ အင်စတာဂရမ်အကောင့်မှာ ရေးတင်ထားပါတယ်။
Sheeran ရဲ့နောက်ဆုံးထွက်အယ်လဘမ် “=" ကလည်းသောကြာနေ့ ညမှာထွက်ရှိလာမှာဖြစ်ပြီး အယ်လဘမ်နဲ့အတူ "Saturday Night Live" ရှိုးကိုလည်း ပြုလုပ်ဖို့ကြေညာထားပြီး ဖြစ်ပါတယ်။ ဒါကြောင့် Ed Sheeran တစ်ယောက် “Saturday Night Live" မှာ လူစားထိုးပြီးတင်ဆက်မှာလား သူတစ်ယောက်တည်း သီးသန့်ဖျော်ဖြေမှာလားဆိုတာကို စောင့်ကြည့်ရမှာဖြစ်ပါတယ်။ “=" အယ်လဘမ်ဟာ Sheeran ရဲ့စတုထ္ထမြောက်အယ်လဘမ်ဖြစ်ပြီး သူ့ရဲ့ပထမဆုံးအယ်လဘမ်က၂၀၁၇ခုနှစ်မှာ ထွက်ရှိထားတာဖြစ်ပါတယ်။
Ed Sheeran တစ်ယောက် ကိုဗစ်- 19 ရောဂါကနေ သက်သာပျောက်ကင်းပြီး အမြန်ဆုံး ပြန်လည် ကျန်းမာလာစေဖို့ ပရိသတ်တွေကလည်း ဆုတောင်းပေးထားကြပါတယ်။