အိန္ဒိယနိုင်ငံမှာ မိုးသည်းထန်စွာ ရွာသွန်းခဲ့ရာကနေ မြေပြိုမှုများ၊ ရေလွှမ်းမိုးမှုများ ဆိုးရွားစွာဖြစ်ပေါ်ခဲ့လို့ အနည်းဆုံးလူ (၂၅)ဦးလောက် သေဆုံး

ဘင်္ဂလားပင်လယ်အော်မှာ လေဖိအားနည်းရပ်ဝန်းတစ်ခု ဖြစ်ပေါ်ခဲ့တာကြောင့် အိန္ဒိယအနောက်တောင်ပိုင်းမှာ မိုးသည်းထန်စွာရွာသွန်းပြီး မြေပြိုမှုတွေဖြစ်ပွားကာ အနည်းဆုံးလူ (၂၅) ဦး သေဆုံးခဲ့တယ်လို့ သိရပါတယ်။ သောကြာနေ့ကနေ စတင်ပြင်းထန်လာသောမိုးကြောင့် မြစ်ချောင်းများက ရေလျှံမှုတွေဖြစ်ပေါ်ခဲ့ပြီး ကမ်းရိုးတန်းပြည်နယ် Kerala က အဓိကကျတဲ့ လမ်းပန်းဆက်သွယ်ရေးတွေကို ဖြတ်တောက်ခဲ့ရတယ်လို့ ဆိုပါတယ်။

မြေပြိုမှုများနှင့်ရေလွှမ်းမိုးမှုများကြောင့် Idukki ခရိုင်မှာ ယခုအချိန်အထိအလောင်း (၁၁) လောင်းကိုတွေ့ရှိကြောင်း AFP က ဖော်ပြထားပါတယ်။ လူထောင်ပေါင်းများစွာကို ဘေးလွတ်ရာသို့ရွှေ့ပြောင်းကယ်ဆယ်ရေးစခန်း အနည်းဆုံး (၁၀၀) ကိုဖွင့်လှစ်လိုက်ကြောင်း Kerala ၀န်ကြီးချုပ် Pinarayi Vijayan ကတနင်္ဂနွေနေ့တွင်ပြောကြားခဲ့တယ်လို့ ဆိုပါပါတယ်။ လက်ရှိမှာ အိန္ဒိယနိုင်ငံတောင်ပိုင်း Kerala ပြည်နယ်၊ Kottayam ခရိုင်ရှိ Kottayam ခရိုင်ရှိ Koottickal ရှိရေဘေးသင့်ပြည်သူများကို ရဟတ်ယာဉ်များဖြင့် ကယ်ဆယ်ရေးပစ္စည်းဖြန့်ဝေမှုတွေ လုပ်ဆောင်ပေးနေကြောင်း သိရပါတယ်။

India today သတင်းရဲ့ ဖော်ပြချက်တော့အရ မြစ်ကမ်းပါးများက လူနေအိမ်များ ပြိုကျမှုများ ၊ မိုးအဆက်မပြတ်ရွာသွန်းမှုကြောင့် တောင်ကျရေများဟာ လူနေအိမ်တွေဆီသို့ ဒလဟော ဝင်ရောက်လာခြင်းများအပြင် မြေပြိုကျမှုကြောင့် ပိမိသွားတဲ့ လူတွေကို ရှာဖွေကယ်ဆယ်ရေးများလုပ်ဆောင်နေတဲ့ မြင်ကွင်းတွေကို ရိုက်ပြထားတာဖြစ်ပါတယ်။ ၂၀၁၈ ခုနှစ်တုန်းကလည်း Kerala ပြည်နယ်ရဲ့ ရာစုနှစ်တစ်ခုအတွင်း အဆိုးရွားဆုံး ရေလွှမ်းမိုးမှုကြောင့် လူ (၅၀၀) နီးပါးသေဆုံးခဲ့ပါတယ်။

သတင်း အရင်းအမြစ်៖ Source - APF / India Today