မိုးသည်းထန်စွာ ရွာသွန်းမှုကြောင့် ရေကြီးရေလျှံမှုတွေ ဆိုးရွားစွာဖြစ်ပေါ်နေတဲ့ မန်းရွှေစက်‌တော်ဘုရား - Myanmarload

မိုးသည်းထန်စွာ ရွာသွန်းမှုကြောင့် ရေကြီးရေလျှံမှုတွေ ဆိုးရွားစွာဖြစ်ပေါ်နေတဲ့ မန်းရွှေစက်‌တော်ဘုရား

https://s9.kh1.co/cb/cb977f4fd04167466eab29c49180ed168b040de2.jpg
နေ့စဉ်သတင်းများ
 18-Oct-2021 9am · 2 months ago

.

ဘင်္ဂလားပင်လယ်အော် အနောက်အလယ်ပိုင်းမှာ ပြီးခဲ့တဲ့ ရက်ပိုင်းက လေဖိအားနည်းရပ်ဝန်းတစ်ခု ဖြစ်ပေါ်ခဲ့တာကြောင့် မြန်မာနိုင်ငံအတွင်းမှာ မိုးသည်းထန်စွာရွာ သွန်းမှုတွေ ဆိုးဆိုးရွားရွား ဖြစ်ပေါ်ခဲ့ပါတယ်။ ဒီလို မိုးသည်းထန်စွာ ရွာသွန်းမှုကြောင့် အောက်တိုဘာ (၁၇) ရက်နေ့ကလည်း မကွေးတိုင်း၊ မင်းဘူးမြို့နယ်က မန်းရွှေစက်‌တော်ဘုရားမှာ ရေကြီးရေလျှံမှုတွေ ဖြစ်ပွားခဲ့ပါတယ်။

https://s9.kh1.co/__image/w=600,h=450,q=100/38/383d188dcc701614211cf2884572b95ea451d92f.jpg
Photo Credit - Kaung Khant
https://s9.kh1.co/__image/w=600,h=450,q=100/4a/4aaa9769818412def1db5268348fd1768c6a635d.jpg
Photo Credit - Kaung Khant

ဒါ့အပြင် မကွေးမြို့ပေါ် အောင်မေတ္တာရပ်ကွက်၊ အောင်ဇေယျာရပ်ကွက် နှင့် မြင်သာရပ်ကွက်များ အပါအဝင် အခြားရပ်ကွက်များမှာလည်း အောက်တိုဘာလ(၁၆)ရက်နေ့ ညပိုင်းက ရေကြီးရေလျှံမှုများ ဖြစ်ပေါ်ခဲ့လို့ ညတွင်းချင်း အရေးပေါ် ရွှေ့ပြောင်းခဲ့ကြရပါတယ်။ ယမန်နေ့ ညပိုင်းအချိန်ထိ အောက်စက်တော်ရင်ပြင်ပေါ်ကို အထက် (၃) ပေခွဲကျော်လောက်ထိ ရေတက်နေခဲ့တာ ဖြစ်ပါတယ်။

https://s9.kh1.co/__image/w=600,h=450,q=100/1a/1a834f12ae68d796f26e49661ab7a4405e0d5c72.jpg
Photo Credit - Kaung Khant
https://s9.kh1.co/__image/w=600,h=450,q=100/84/844d53189aaa00c677b3a63c2c3b4b10dd7d308b.jpg
Photo Credit - Kaung Khant

မန်းရွှေစက်‌တော်ဘုရားမှာ ရေကြီးရေလျှံမှုဟာ ယခုနှစ်ကာလအတွင်း(၃) ကြိမ်လောက်ရှိခဲ့ပြီးသြဂုတ်လ (၅) ရက်က (၂) ပေခွဲ၊ စက်တင်ဘာလ (၂၇)ရက်က ၁ ပေခွဲ ထိတက်ခဲ့ပြီး ယခု(၁)ကြိမ် ရေကြီးမှုကတော့ အရင်ကထက် ပိုမိုများပြားခဲ့ပါတယ်။ (၂၀၁၈)ခုနှစ်တုန်းကလည်း မိုးသည်းထန်စွာရွာသွန်းပြီး အောက်စက်တော်ရာမှာ (၁၄) ပေလောက်အထိ ရေတက်ခဲ့ဖူးတယ်လို့ သိရပါတယ်။

https://s9.kh1.co/__image/w=600,h=450,q=100/e8/e8da9e9eb1e786dcdb05fe9b97f1ade27ac70205.jpg
Photo Credit - Kaung Khant
https://s9.kh1.co/__image/w=600,h=450,q=100/65/65b2f233ba0e6d4cdbbacaecf5c5e5e2ca02f58c.jpg
Photo Credit - Kaung Khant

သတင်းအရင်းအမြစ်Source - Kaung Khant

Zin Myo
Zin Myo

ဆက်စပ်ဆောင်းပါး