အာဏာသိမ်းမှုဖြစ်ပွားအပြီး တောင်တန်းဒေသတွေမှာ အာဏာရှင် လူတစ်စုနဲ့ ဒေသခံပြည်သူ့ကာကွယ်ရေးတပ်တွေအကြား တိုက်ပွဲတွေမကြာခဏဖြစ်ပွားနေခဲ့ပါတယ်။ အဆိုပါတိုက်ပွဲတွေကြောင့် ဒေသခံပြည်သူတွေ ခမျာလည်း ဘေးလွတ်ရာနေရာတွေ၊တောတောင်တွေထဲ သွားရောက်ပြီး စစ်ဘေးရှောင်နေခဲ့ရပါတယ်။
စစ်ဘေးရှောင်ပြည်သူတွေထဲ ကလေးငယ်တွေ၊သက်ကြီးရွယ်အိုတွေနဲ့ ကိုယ်ဝန်ဆောင်မိခင်တွေအများဆုံးပါဝင်နေကြကာ အကူအညီတွေလည်း လိုအပ်လျက်ရှိနေတာဖြစ်ပါတယ်။ ဒါ့အပြင် တစ်ဖက်နဲ့တစ်ဖက် တိုက်ပွဲ ဖြစ်ပွားမှုတွေကြောင့် အပြစ်မဲ့ ဒေသခံတွေ ခမျာ လက်နက်တွေ ထိမှန်ကာ ဒဏ်ရာ ရရှိတာတွေ သေဆုံးကြတာတွေ တွေ့နေရတာလည်း စိတ်မကောင်းစရာပါ ။
အခုလည်း ကရင်နီပြည် ဒီမော့ဆိုမြို့နယ် ကုန်းသာကျေးရွာတိုက်ပွဲအတွင်းမှာ အာဏာရှင်လူတစ်စုဘက်က ပစ်ခတ်မှုကြောင့် ကျည်ထိမှန် သေဆုံးသွားတဲ့ အသက် ၇၀ဝန်းကျင် အဘိုးအိုတစ်ဦးရဲ့ သတင်းလေးကိုတွေ့ရပါတယ် ။ ဒီအဘိုးရဲ့ ရုပ်အလောင်းကို သွားပို့နေစဉ် လမ်းခရီးမှာလည်း သုဿန်အနီးမှာ မိုင်းနင်းမိမှုကြောင့် ကားအရှေ့ပိုင်းအနည်းငယ် ထိမှန်ခဲ့ရတယ်လို့လည်း သိရပါတယ် ။ ကားထဲမှာ ပါလာသူတွေတော့ ထိခိုက်ဒဏ်ရာရရှိမှုတွေ မရှိဘူးလို့လည်း ဆိုထားပါတယ် ။ ပရိသတ်ကြီးအတွက် ဒီသတင်းကို ဝေမျှပေးရင်း အားလုံးဘေးကင်းကြပါစေ ဆုတောင်းပေးလိုက်ပါတယ် ။
Bong I.T