ပရဟိတအလုပ်တွေကို အင်တိုက်အားတိုက် လုပ်ဆောင်ကာ ပြည်သူတွေနဲ့ တစ်သားတည်းရပ်တည်ပြီး လိုအပ်နေသူတွေအတွက် အမြဲဖေးမကူညီတတ်တဲ့ ဝေဠုကျော်ဖောင်ဒေးရှင်းကိုတော့ ပရိသတ်တွေအားလုံးက လေးစားချစ်ခင်နေကြတာ ဖြစ်ပါတယ်။ ဝေဠုကျော်ဖောင်ဒေးရှင်းကတော့ စားဝတ်နေရေးခက်ခဲနေကြတဲ့ ပြည်သူတွေအတွက် စားသောက်ကုန်တွေ ပေးဝေလှူဒါန်းလျက်ရှိပါတယ် ။
ဒီလိုကာလမှာဆိုရင်လည်း ပိုလို့တောင် အကူအညီလိုအပ်နေသူတွေ အများအပြားရှိနေတာမို့ ဝေဠုကျော်ဖောင်ဒေးရှင်းကလည်း လက်လှမ်းမှီသလောက် လိုက်လံကူညီပေးခဲ့တာလည်းဖြစ်ပါတယ်။ ဒါ့အပြင် အခြားသော ပရိဟိတ လုပ်ငန်းတွေကိုလည်း ကိုယ်တိုင် မမေမပန်းနိုင်အောင် နေ့ရက်တိုင်း လိုက်လံ ကူညီဆောင်ရွက်ပေးနေတာ လေးစားစရာပါပဲ ။
အခုလည်း ကျူးရပ်ကွက်က ကလေးငယ်လေးများကို ဒိန်ချဉ်များ ကိုယ်တိုင် သွားရောက် ဝေဌပေးခဲ့တာကိုတွေ့ရပါတယ် ။ ကလေးငယ်လေးတွေက ဒိန်ချဉ် အရမ်းကြိုက်ကြလို့ အလုအယက် လာယူကြတာကြောင့် အတိုင်းမသိ ကြည်နူး ပီတိဖြစ်ရတယ်လို့လည်း ဆိုပါတယ် ။ ပရိသတ်ကြီးအတွက် ဝေဠုကျော်ရဲ့ အလှူပုံရိပ်တွေကို ဝေမျှပေးလိုက်ပါရစေ ။
Bong I.T