ရန်ကုန်လှိုင်သာယာမြို့နယ်တွင် ဗုံး (၆)လုံးပေါက်ကွဲပြီး အမျိုးသား ၁ ဦး ထိခိုက်ဒဏ်ရာရ - Myanmarload

ရန်ကုန်လှိုင်သာယာမြို့နယ်တွင် ဗုံး (၆)လုံးပေါက်ကွဲပြီး အမျိုးသား ၁ ဦး ထိခိုက်ဒဏ်ရာရ

https://s9.kh1.co/ce/ce3b052984e915c8149d470d8f8f19db3a2deea1.jpg
နေ့စဉ်သတင်းများ
 22-Sep-2021 10am · a month ago

လှိုင်သာယာမြို့နယ်တွင် ဗုံးပေါက်ကွဲမှုများ မကြာခဏဆိုသလို ဖြစ်ပေါ်ခဲ့ပြီး

ရန်ကုန်တိုင်းဒေသကြီး၊ လှိုင်သာယာမြို့နယ် ရိုးကြီးမှတ်တိုင်အနီး ကမ္ဘာသစ်ဆီဆိုင်ရှေ့တွင် စက်တင်ဘာလ (၂၁) ရက်နေ့ ညနေ (၃း၅၅) မိနစ်ကစပြီး  ဗုံး(၆)လုံး ထက်မနည်း ဆက်တိုက်ပေါက်ကွဲခဲ့ပါတယ်။ အဆိုပါ ပေါက်ကွဲမှုတွင် အမျိုးသား (၁) ဦးထိခိုက်မှုရှိခဲ့ပြီး အသက်အန္တရာယ်စိုးရိမ်ရကြောင်း ဒေသခံများထံမှ သိရှိရပါတယ်။

https://s9.kh1.co/__image/w=641,h=418,q=100/b3/b33364bfc46fdd644dbf2d024e22f9ea97d8b01b.jpg
Photo Credit : HTY Information

ပေါက်ကွဲမှုဖြစ်ပြီး စစ်ကောင်စီတပ်ဖွဲ့ဝင်များရောက်ရှိလာ ပစ်ခတ်သံများလည်းထွက်ပေါ်လာပါတယ်။ လမ်းတစ်ချို့ကို ပိတ်ဆို့စစ်ဆေးခဲ့ပြီး ညနေ (၅:၂၀) မိနစ်အချိန်တွင် ယင်းနေရာမှ စစ်သားနှင့်ရဲများ ပြန်လည် ထွက်ခွာသွား​ခဲ့ကြောင်း သိရပါတယ်။

လှိုင်သာယာမြို့နယ်တွင် ဗုံးပေါက်ကွဲမှုများ မကြာခဏဆိုသလိုဖြစ်ပေါ်ခဲ့ပြီး ယခင်ပေါက်ကွဲမှုအများစုက စစ်ကောင်စီတပ်ဖွဲ့ဝင်များရှိရာ စခန်းအနီးမှာသာ ဖြစ်ပေါ်ခဲ့ပေမဲ့ မနေ့ကပေါက်ကွဲမှုကတော့ အများပြည်သူများ သွားလာလှုပ်ရှားရာနေရာမှာဖြစ်ပေါ်ခဲ့ခြင်းဖြစ်ပါတယ်။

https://s9.kh1.co/__image/w=650,h=325,q=100/3d/3d3c28f3f33f5ebcc424931bb3dc35937bd79655.jpg
Photo Credit : Original Uploader

ဖေဖော်ဝါရီ ၁ အာဏာသိမ်းမှုကို  ပြင်းပြင်းထန်ထန်ဆန့်ကျင်တဲ့ မြို့နယ်များစာရင်းတွင် ပြည်တွင်းရွှေ့ပြောင်းအလုပ်သမားများစွာ နေထိုင်တဲ့ လှိုင်သာယာမြို့နယ်က ထိပ်ဆုံးမှပါဝင်ခဲ့ပြီး စစ်ကောင်စီတပ်ကလည်း ပစ်မှတ်ထားနှိပ်ကွပ်ခံခဲ့ဖူးပါတယ်။

Source : Original Uploader

Cherry Nwe Oo
CNO

ဆက်စပ်ဆောင်းပါး