ဂျပန်နိုင်ငံ ဖူဂျီတောင်ခြေရင်းမှာရှိတဲ့ Fuji-Q Highland Theme Park ထဲက Labyrinth of Fear လို့ခေါ်တဲ့ သရဲအိမ်ကြီးကတော့ တော်တော်လေးကြောက်စရာကောင်းတဲ့ သရဲအိမ်ကြီးပဲဖြစ်ပါတယ်။
ဒီအိမ်ကြီးထဲကို ဝင်ရောက်ဖူးသူတိုင်းကတော့ သွေးပြတ်မတတ်ကြောက်စရာကောင်းလွန်းတဲ့နေရာလို့ မှတ်ချက်ပေးကြပြီး တော်ရုံသတ္တိမရှိပဲနဲ့တော့ ဝင်ဖို့မလွယ်တဲ့နေရာတစ်ခုပဲ ဖြစ်ပါတယ်။
ဒီသရဲအိမ်ကြီးကတော့ ဆေးရုံပျက်ကြီးပုံစံပြုလုပ်ထားတဲ့ နှစ်ထပ်အိမ်ကြီးဖြစ်ပြီး အထဲကအပြင်အဆင်တွေက တော်တော်လေးကြောက်ဖို့ကောင်းပါတယ်။
ဒီအိမ်ကြီးထဲမှာ ထူးခြားထိတ်လန့်ဖွယ်ရာ မြင်ကွင်းတွေ ၊ ကြောက်လန့်ဖို့ကောင်းတဲ့ အသံနဲ့ လျှပ်တပြက်ပေါ်လာတတ်တဲ့ သရဲတွေနဲ့ တစ်ခါတစ်ရံ ကိုယ်ရှေ့ကိုအလောင်းကောင်ကြီးတွေ ပြုတ်ကျလာတာမျိုးတွေကိုလည်း ကြုံတွေ့ရနိုင်ပါတယ်။
ဒီအိမ်ကြီးထဲမှာ တပ်ဆင်ထားတဲ့မီးရောင်တွေနဲ့ ဖန်တီးထားတဲ့အသံတွေကလည်း တော်တော်ခြောက်ချားစရာကောင်းသလို သွေးပျက်စရာခြောက်လန့်မှုတွေကြောင့် လမ်းတစ်ဝက်လောက်နဲ့တင် ပြန်ပြေးထွက်ချင်စိတ်ဖြစ်မိလောက်ပါတယ်။
ဒါပေမယ့် ဒီအိမ်ကြီးထဲက ထွက်လာနိုင်သူကို သတ္တိကောင်းသူဟုဆိုကြတာကြောင့် လူတော်တော်များများကတော့ ကြောက်ကြောက်နဲ့ လမ်းဆုံးအောင်သွားကြပါတယ်လို့ သိရပါတယ်။
သတင်း အရင်းအမြစ်៖ Jpninfo