တိုက်ပွဲတွေကြား အသက်လုပြေးလွှားနေရတဲ့အပြင် ကိုဗစ်ရောဂါပါကူးစက်ခံထားရတဲ့ စစ်ဘေးရှောင်ပြည်သူများ - Myanmarload

တိုက်ပွဲတွေကြား အသက်လုပြေးလွှားနေရတဲ့အပြင် ကိုဗစ်ရောဂါပါကူးစက်ခံထားရတဲ့ စစ်ဘေးရှောင်ပြည်သူများ

https://s9.kh1.co/68/68129b740fa2bcf3580efa6e37001941e6d2028b.jpeg
နေ့စဉ်သတင်းများ
 18-Sep-2021 12pm · 3 months ago

..

နိုင်ငံရေးမတည်ငြိမ်မှုတွေကြောင့် ပြည်သူတွေမှာ အနေနဲ့ အသက်အိုးအိမ်စည်းစိမ်တွေ အများအပြား ဆုံးရှုံးနေကြရတဲ့အပြင် ကပ်ရောဂါဆိုးတွေရဲ့ ဖိစီးနှိပ်စက်မှုတွေကိုလည်း ရင်ဆိုင်ခံစားနေကြရတာ ဖြစ်ပါတယ်။ စစ်ဘေးရှောင်ပြည်သူတွေမှာ အခြေအနေတွေပိုမိုပြင်းထန်လာတဲ့ တိုက်ပွဲတွေကြား အိုးအိမ်တွေစွန့်ခွာကာ အသက်လုပြေးလွှားနေရတဲ့ကြားက ကိုဗစ်ရောဂါတွေလည်း ကူးစက်ခံနေရပါတယ်။ ကယားပြည်နယ်၊ လွိုင်ကော်မြို့နယ်တွင်း စစ်ဘေးရှောင်နေတဲ့ စစ်ဘေးရှောင်ဒုက္ခသည်ဦးရေ (၃၀၀)ကျော်အနက် ကိုဗစ်-၁၉ ရောဂါပိုး ကူးစက်ခံထားရသူဦးရေ (၄၀)ကျော် စစ်ဆေးတွေ့ရှိခဲ့တယ်လို့ သိရပါတယ်။ 

https://s9.kh1.co/__image/w=650,h=434,q=100/21/2105ee8a548eecda26d79aef11d1cb7d1d3e0e78.jpeg
Photo Credit - Original Uploader

ယောင်္ကျား မိန်းမ ကလေး အပါအဝင် (၄၅)ယောက်နဲ့ ရဟန်းက နှစ်ပါး၊ ကိုရင်နှစ်ပါး အားလုံးပေါင်း (၄၉) ယောက်ရှိပြီး လတ်တလောမှာတော့ အကုန်လုံးကို Quaratine စင်တာ ပို့ထားတယ်လို့ ဒေသခံတသ်ဦးက ပြောပြလာပါတယ်။ ကိုဗစ်-၁၉ ရောဂါပိုး ကူးစက်ခံရသူ (၄၉) ဦးအနက် (၄၅) ဦးမှာ စစ်ဘေးရှောင် ဒုက္ခသည်များဖြစ်ပြီး သံဃာနှစ်ပါးနဲ့ ကိုရင်နှစ်ပါးမှာ စစ်ဘေးရှောင်ဒုက္ခသည်များကို လက်ခံထားတဲ့ ဘုန်းကြီးကျောင်းမှ ဖြစ်တယ်လို့ သိရပါတယ်။ 

https://s9.kh1.co/__image/w=650,h=434,q=100/f4/f4eccc7e472643160731c8992cf4b70ff44e4e65.jpeg
Photo Credit - Original Uploader
https://s9.kh1.co/__image/w=650,h=434,q=100/11/118e0efd2fa64ce2c1f62f2b0d1e732b1307bbf4.jpeg
Photo Credit - Original Uploader

စစ်ဘေးရှောင်ဒုက္ခသည်များ ခိုလှုံနေသည့် လွိုင်ကော်မြို့နယ်အတွင်းရှိ ဘုန်းကြီးကျောင်း တကျောင်းအတွင်း ဖျားနာနေသူများ ရှိတာကြောင့် ဆရာတော်များက ဦးစီးပြီး ကိုယ်ထူကိုယ်ထ အစီအစဉ်နဲ့ ကိုဗစ်-၁၉ ရောဂါပိုး စစ်ဆေးကြရာမှာ ပိုးကူးစက်ခံရသူများ ရှိနေကြောင်း သိရှိခဲ့ကြတာ ဖြစ်ပါတယ်။ ကိုဗစ်ကူးစက်ခံရတဲ့ စစ်ဘေးရှောင် ဒုက္ခသည်များနဲ့ ရဟန်း နှစ်ပါး၊ ကိုရင် နှစ်ပါး တို့ကို ပရဟိတအသင်းများရဲ့ အကူအညီနဲ့ လွိုင်ကော်မြို့၊ ပြည်သူ့ဆေးရုံရှိ Quarantine စင်တာများကို ပို့ဆောင်ထားတာ ဖြစ်ပါတယ်။ 

https://s9.kh1.co/__image/w=650,h=434,q=100/45/452894d0c300b3e34576c1b1ab21969821958012.jpeg
Photo Credit - Original Uploader


Kyi Kyi Nyein
Nyein

ဆက်စပ်ဆောင်းပါး