ကန်စွန်းရွက်ရောင်းကာ ဘဝကို ခက်ခဲစွာ ဖြတ်သန်းနေရတဲ့ အသက် (၈၁) နှစ်အရွယ်အဖွားတစ်ဦးရဲ့ စိတ်မကောင်းစရာ အဖြစ် - Myanmarload

ကန်စွန်းရွက်ရောင်းကာ ဘဝကို ခက်ခဲစွာ ဖြတ်သန်းနေရတဲ့ အသက် (၈၁) နှစ်အရွယ်အဖွားတစ်ဦးရဲ့ စိတ်မကောင်းစရာ အဖြစ်

https://s9.kh1.co/6d/6dfb1ae3cd6c0066decf0b438eaff96061cf57d0.jpeg
နေ့စဉ်သတင်းများ
 17-Sep-2021 12pm · a month ago

.....

လူတိုင်းကတော့ အဆင်မပြေမှုတွေဆိုတာ ရှိစမြဲပါပဲ ။ အခုလို ကာလတွေမှာဆိုရင် ပိုလို့တောင် အခက်အခဲတွေ အကျပ်အတည်းတွေကို တစ်ခုမဟုတ်တစ်ခု ရှိနေကြလို့ အားတင်းကာ ရင်ဆိုင်ဖြေရှင်းနေကြရပါတယ် ။ ဒီလို အချိန်မှာ လက်လုပ်လက်စားနဲ့ လမ်းမှာ ရှာဖွေစားသောက်နေရတဲ့ အိုးမဲ့အိမ်မဲ့ ပြည်သူ အချို့ရဲ့ ဘဝတွေက ထင်ထားတာထက်တောင် ခက်ခဲနေကြမယ်ဆိုတာ အမှန်ပါပဲ ။

https://s9.kh1.co/__image/w=650,h=929,q=100/80/803682f8b7c1fc9022b72a61d97932c45295ac30.jpeg
Photo Credit : Original Uploader 

အကြောင်းမျိုးစုံကြောင့် ပင်ပင်ပန်းပန်း ခက်ခဲစွာ ရှာဖွေစားသောက်နေရတဲ့ သက်ကြီး ရွယ်အို အဖိုးအဖွားတွေလည်း မနည်းပါဘူး ။ အခုလည်း  ပဲခူးမြို့ ဆိုရှယ်လစ်၂၃လမ်းမှာ ကန်စွန်းရွက် ထိုင်ရောင်းနေတဲ့ အဖွားတစ်ဦးရဲ့ စိတ်မကောင်းစရာ အဖြစ်လေးကို တွေ့ပြီး ပြည်သူတစ်ဦးက အခြေအနေကို သွားရောက်မေးမြန်းရင်း လိုအပ်တာများ ကူညီပေးခဲ့တဲ့ ပို့စ်တစ်ခုကိုတွေ့ရပါတယ် ။

https://s9.kh1.co/__image/w=650,h=426,q=100/b0/b0cf62e2d05c8f08dbd753e31c9551e18160b55b.jpeg
Photo Credit : Original Uploader 
https://s9.kh1.co/__image/w=650,h=293,q=100/84/84eb200494a17756a985c8e9896046c302d516d7.jpeg
Photo Credit : Original Uploader 

အဖွားက အသက် (၈၁) နှစ်ရှိပြီး ခင်ပွန်းဖြစ်သူက ကျန်းမာရေး မကောင်းတာကြောင့် ရှာဖွေ ကျွေးမွေးနေရတယ်လို့ ဆိုပါတယ် ။ အဖိုးနဲ့ အဖွား နှစ်ဦးတည်း နေထိုင်ပြီး ကန်းစွန်းရွက် ရောင်းရတဲ့ နှစ်ထောင် သုံးထောင်နဲ့ အဆင်ပြေသလို စားသောက်နေရတယ်လို့ သိရပါတယ် ။ အဖွားက ကန်စွန်းရွက်ကိုလည်း လယ်ကွင်းထဲ ကိုယ်တိုင်သွားခူးရတာလို့လည်း ဆိုပါတယ် ။ လူငယ်လေးလည်း အဖွားတို့ရဲ့ အဖြစ်ကို မကြည့်ရက်တာကြောင့် အလှူငွေများ လှူဒါနါးခဲ့တာကို တွေ့ရပါတယ် ။ ပရိသတ်ကြီးအတွက် ဒီသတင်းလေးကို ဝေမျှပေးရင်း အဖိုးနဲ့ အဖွား အဆင်ပြေပါစေ ဆုတောင်းပေးလိုက်ပါတယ် ။

https://s9.kh1.co/__image/w=650,h=509,q=100/3c/3c330843190256501beaca577fde69154f360365.jpeg
Photo Credit : Original Uploader 
Khin Pyae Pyae Kyaw
pyae

ဆက်စပ်ဆောင်းပါး