အာဖဂန်တက္ကသိုလ်ကျောင်းတွေကို ပြန်လည်ဖွင့်လှစ်ထားပြီး ကျောင်းသူ၊ကျောင်းသားတွေကို ကန့်လန့်ကာလေးခြားကာ သင်ကြားနေတဲ့ တာလီဘန်တွေရဲ့ ပညာရေး

အာဖဂန်နစ်စတန်နိုင်ငံအတွင်း တိုက်ပွဲတွေပြီးဆုံးချိန်မှာ တာလီဘန်တွေက စစ်လက်နက်ပစ္စည်းများ၊ ဒေါ်လာ သန်းချီတန်တဲ့ တိုက်ခိုက်ရေးရဟတ်ယာဥ်များ၊ သယ်ယူပို့ဆောင်ရေး လေယာဥ်များ၊ သံချပ်ကားများအပြင် နိုင်ငံ့ဏ္ဍငွေများစွာကိုလည်း သိမ်းစည်းရမိခဲ့ပါတယ်။ လက်ရှိမှာ တာလီဘန်များက အာဖဂန်နစ်စတန်နိုင်ငံကို အရင်အတိုင်းပြန်လည် လည်ပတ်စေဖို့ လူမှုရေး၊ စီးပွားရေး၊ ပညာရေးစတာတွေကို အခြေပြုပြီး လုပ်ဆောင်လာခဲ့ပါတယ်။ တချို့အလုပ်ရုံ၊ စက်ရုံတွေနဲ့ အများပြည်သူများ အသုံးပြုတဲ့ စျေးများကိုလည်း ပြန်လည်ဖွင့်လှစ်လာခဲ့ပါတယ်။

ဒါ့အပြင် တိုက်ပွဲကာလအတွင်း ရပ်နားထားခဲ့ရတဲ့ ပညာရေးကိုလည်း တာလီဘန်များက မူဝါဒအသစ်တွေကိုရေးဆွဲပြီး နိုင်ငံအတွင်းမှာရှိတဲ့ ပုဂ္ဂလိကတက္ကသိုလ်ကျောင်းများ နှင့် ကောလိပ်ကျောင်းများကို ပြန်လည် ဖွင့်လှစ်လာခဲ့ပါတယ်။ တာလီဘန်မှ ဦးစီးသောပညာရေးဝန်ကြီးဌာနဟာ အဆိုပါကျောင်းများကို တက်ရောက်မည့် ကျောင်းသူ၊ ကျောင်းသားများအား ဝတ်စားဆင်ယင်မှုဆိုင်ရာတွေကို ပြောင်းလဲခဲ့ပါတယ်။

ဒါ့အပြင် လိင်အကြမ်းဖက်တာတွေကို တားစီးလုပ်ဆောင်ဖို့ ကျောင်းခန်းအတွင်း စာသင်ချိန်မှာ ကျောင်းသူ၊ကျောင်းသားတွေကိုလည်း ကန့်လန့်ကာလေးခြားထားပြီး သင်ကြားနေကြောင်း CGDN သတင်းဌာနရဲ့ ဖော်ပြချက်အရ သိရပါတယ်။ လက်ရှိမှာတော့ အာဖဂန်တက္ကသိုလ်ကျောင်းများပြန်လည် ဖွင့်လှစ်ထားပေးမယ့် တက်ရောက်တဲ့ ကျောင်းသားဦးရေးဟာ နည်းပါးသေးတယ်လို့ သိရပါတယ်။

သတင်း အရင်းအမြစ်៖ Source - CGDN