၂၀၂၃ ကကျင်းပခဲ့တဲ့ Boy PLanet ဆိုတဲ့ပြိုင်ပွဲဟာ ကြည့်ရှုသူအတော်လေးများခဲ့သလို Zerobaseone ဆိုတဲ့အောင်မြင်တဲ့အဖွဲ့ကိုဖွဲ့စည်းနိုင်ခဲ့တဲ့ ရှိုးဖြစ်ပါတယ်။ ဒီရှိုးကနေတစ်ဆင့် နာမည်ကြီးလူကြိုက်များသွားတဲ့ ပြိုင်ပွဲဝင်တွေအများကြီးရှိခဲ့ပါတယ်။ ရှိုးကနေတစ်ဆင့် ပွဲဦးထွက်ခွင့်မရပေမဲ့ နောက်ပိုင်းမှာတစ်ခြားအဖွဲ့တွေနှင့်ပွဲဦးထွက်ခဲ့တဲ့သူတွေလည်းရှိပါတယ်။
Ollie ကတော့ ရှိုးအတွင်းမှာ အတော်လေးနာမည်ကြီးခဲ့တဲ့ပြိုင်ပွဲဝင်တစ်ယောက်ပါ။ အသက် ၁၆ နှစ်ပဲရှိသေးတဲ့သူဟာ ငယ်ရွယ်ပြီးလန်းဆန်းတဲ့ပုံရိပ်နှင့်ကြည့်ရှုသူတွေကို အတော်လေးဖမ်းစားနိုင်ခဲ့တာပါ။ အပိုင်း ၁၁ မှာ အဆင့် ၂၆ ရပြီးပြုတ်သွားခဲ့ရတဲ့ Ollie ဟာ မကြာသေးခင်က ဟောင်ကောင်အခြေပြုအိုင်ဒေါအဖွဲ့ကိုထုတ်မယ့် Asia Super Young ဆိုတဲ့အစီအစဥ်မှာပါဝင်ခဲ့ပါတယ်။
Boy PLanet ကတည်းက နာမည်ကြီးနေတဲ့ Ollie ဟာ ဒီရှိုးမှာတော့ နံပါတ်တစ်နေရာကနေ ပွဲဦးထွက်နိုင်ခဲ့တာဖြစ်ပါတယ်။ ပြိုင်ပွဲဝင်ပေါင်း ၆၅ ယောက်ထဲကနေနံပါတ်တစ်ရခဲ့တဲ့ Ollie ဟာ တစ်ခြားအနိုင်ရသူတွေနှင့်အတူ LOONG9 ဆိုတဲ့အဖွဲ့မှာပါဝင်သွားမှာဖြစ်ပါတယ်။