ခုဆိုရင်နေရာအနှံအပြားက ပြည်သူများဟာ နည်းမျိုးစုံကို အသုံးချကာ ဆန္ဒထုတ်ဖော်မှုတွေကို ညီညီညွတ်ညွတ် ပြုလုပ်နေကြတာ တကယ်ကို လေးစားစရာ မြင်ကွင်းတွေပါပဲနော်။ ထိုမြင်ကွင်းတွေကပဲ ကမ္ဘာတစ်ဝှမ်းရဲ့ သတင်းတွေထိပြန့်နှံ့ခဲ့သလို လူငယ်တွေရဲ့ တီထွင်နိုင်မှုတွေကို ချီးကျူးဂုဏ်ပြုနေကြတာပါ။
အားလုံးက သူ့နေရာနဲ့သူတာဝန်ကိုယ်စီကျေပွန်နေကြသလို မိမိတို့ရဲ့ ရည်မှန်းချက်ပန်းတိုင်ကိုရောက်ဖို့ အခက်အခဲတွေကြားကနေပဲ ရှေ့ဆက်သွားနေကြတာလည်းဖြစ်ပါတယ်။အသက်ပေးသွားကြတဲ့ သူရဲကောင်းတွေကိုလည်း ပြည်သူတွေက ဒီနေ့ထိမမေ့ပဲ ဆုတောင်းပေးခြင်းတွေပြုလုပ်ကာ ဂုဏ်ပြုပေးနေကြတာလည်းတွေ့ရပါတယ်။
သင်္ကြန်ရက်တွေမှာလည်း နေရာတိုင်းမှာ ရေဆော့ကစားခြင်းမပြုကြဘဲ မိမိတို့မြို့နယ်တွေမှာပဲ ဆန္ဒထုတ်ဖော်မှုတွေကို မျိုးစုံပြုလုပ်နေကြတာပါ။မနေ့က သင်္ကြန်အတတ်နေ့မှာဆိုလည်း ရှမ်းပြည်မြောက်ပိုင်းနောင်ချိုမြို့မှာ ရိုးရာအစားအသောက်တစ်ခုဖြစ်တဲ့ ခေါပုတ်လေးတွေကို ပုံစံမျိုးစုံဖန်တီးကာ ထူးထူးခြားခြား ဆန္ဒထုတ်ဖော်ခဲ့ကြတာကိုတွေ့ရပါတယ်။ပရိသတ်ကြီးအတွက် နောင်ချိုမြို့ရဲ့ ခေါပုတ်သပိတ်ပုံရိပ်တွေကို ပြန်လည်ဝေမျှပေးလိုက်ပါတယ်။
Bong I.T