သင်္ကြန်အကျနေ့ထိ မြန်မာနိုင်ငံရဲ့နေရာအနှံအပြားမှာ မည်သူတစ်ဦးတစ်ယောက်မှ ရေးဆော့ကစားခြင်းမရှိဘဲ တိတ်ဆိတ်ငြိမ်သက်လျက်ရှိပါတယ်။ သင်္ကြန်ပွဲတော်ကြီးကို မဆင်နွှဲကြပေမယ့် အခြားလှုပ်ရှားမှုမျိုးစုံကိုတော့ ပြည်သူပြည်သားတွေဟာ ညီညီညွတ်ညွတ်ဆန္ဒထုတ်ဖော်လျက်ရှိပါတယ်။
သင်္ကြန်အကြိုနေ့မှာဆိုရင်လည်း တစ်ချို့နေရာတွေမှာ ပန်းတောက်ပန်လေးတွေကို ပုံဖော်ရင်း ဆန္ဒထုတ်ဖော်ကြသလို အတာအိုးများကိုလည်း ဆေးရောင်စုံ ခြယ်သကာ မိမိတို့ရဲ့ ဆန္ဒတွေကို ထုတ်ဖော်ရေးသားရင်း လှုပ်ရှားမှုပြုလုပ်ကြတာကိုတွေ့ရပါတယ်။ပြည်သူတွေကတော့ ခုလိုအပစ်အခတ်တွေ အဖမ်းအဆီးတွေကြားကနေပဲ ဆန္ဒထုတ်ဖော်မှုတွေကို အားမလျော့ဘဲ လုပ်ကိုင်လျက်ရှိနေတာကို လေးစားစွာတွေ့မြင်ရပါတယ်။
အခုလည်း စမ်းချောင်းမြို့နယ်ရှိ လူငယ်များဟာ သွေးမတိတ် ဆေးရောင်ခြယ် လှုပ်ရှားမှုကြီးကို သင်္ကြန်အကျနေ့မှာ ငြိမ်းချမ်းစွာပြုလုပ်ခဲ့ကြတာတွေ့ရပါတယ်။ဒီလှုပ်ရှားမှုမှာပါဝင်တဲ့ ပြည်သူတစ်ယောက်ဟာဆိုရင်လည်း " " ကျဆုံးသူတွေရဲ့ သွေးဟာ ဘယ်တော့မှ မတိတ်ဘူး ။ လက်မှာရော.... ငါတို့ရဲ့ရင်ထဲမှာ ရော ဘယ်တော့မှ ခြောက်သွေ့မှာ မဟုတ်ဘူး ဒါကြောင့် သွေးမတိတ်တဲ့ ဆေးရောင်ခြယ် လူထုလှုပ်ရှားမှုကို အခုလို သင်္ကြန်အကျနေ့မှာလည်း ထပ်ပြီးလုပ်ကြတာပါ " လို့ပြောကြားထားတာလည်းဖြစ်ပါတယ်။