ဒီကနေ့ April လ ၃ ရက်နေ့မှာတော့ twitter ပေါ်မှာ မုံရွာမြို့က ပြည်သူတွေ ပစ်ခတ် ဖြိုခွဲခံရတာနဲ့ပတ်သတ်တဲ့ သတင်းတွေ ပျံ့နှံ့ နေတာကို တွေ့ရပါတယ်။
မုံရွာကနေရာအချို့မှာ ဒီကနေ့မနက်ပိုင်းလောက်ထဲက ပစ်ခတ်ဖြိုခွဲခံရတာတွေ ရှိခဲ့ပြီး ကနဦး သေဆုံးသူ ၃ ဦးနဲ့ ဒဏ်ရာရှိသူတွေလည်း ရှိတယ်လို့သိရပါတယ်။
သေဆုံးသူထဲက တစ်ယောက်ထဲကတော့ ဦးခေါင်းပွင့်ပြီး သေဆုံးသွားခဲ့တာ ဖြစ်တယ်လို့သိရပါတယ်။
Twitter သုံးစွဲသူ ပြည်သူအချို့ကလည်း ဒီအကြောင်းအရာကို #Whatshappeninginmyanmar
#April3Coup
ဆိုတဲ့ hashtag တွေနဲ့ ပြည်ပကလူတွေသိအောင် တင်ပေးနေတာကိုလည်း တွေ့ရပါတယ်။
ဒါ့အပြင် မုံရွာပင်မ သပိတ်စစ်ကြောင်းဟာ ဒီကနေ့မနက်ပိုင်းထဲက ဝိုင်းညှပ်ပိတ်ပီး ဖြိုခွဲခံရပေမယ့်လည်း တပ်ဦးအလံကိုလွှင့်ထူကာ ချီတက်ဆန္ဒထုတ်ဖော်ခဲ့ကြတယ်လို့ သိရပါတယ်။
အဲ့ဒီနောက်မှာတော့ မုံရွာပင်မ သပိတ်စစ်ကြောင်းဟာ မြေပြင်အခြေအနေကိုကြည့်ပြီး အောင်မြင်စွာ လူစုခွဲနိုင်ခဲ့တယ်လို့ လည်း သိရပါတယ်။