ဒီကနေ့ မတ်လ ၁၅ ရက်နေ့မှာတော့ စမ်းချောင်းမြို့နယ်အတွင်းမှာ မနက်ပိုင်းလောက်ထဲက ဆန္ဒထုတ်ဖော်ဖို့ အတွက် ပြင်ဆင်မှုတွေ ပြုလုပ်နေတာကို တွေ့ရပါတယ်။
လမ်းတိုင်းလမ်းတိုင်းမှာလည်း အကာအရံအတားအဆီးတွေကို ပိုခိုင်မာအောင် ပြုလုပ်နေတာကို တွေ့ပါတယ်။
ကျွန်းတောလမ်းမပေါ်မှာဆိုရင်လည်း သဲအိတ်တွေစုပုံပီး ခံတပ်တွေ တည်ဆောက်ထားတာကို တွေ့ရပါတယ်။
လမ်းမတစ်လျှောက်လုံးမှာဆိုရင်လည်း သဲအိပ်ခံတပ် သုံးလေးခုလောက်ထိကို တွေ့ရပြီး အခိုင်အမာဖြစ်အောင် သေချာပြုလုပ်နေတာကို တွေ့ရပါတယ်။
ကျွန်းတောလမ်းမနဲ့ ဗဟိုလမ်းမပေါ်မှာဆိုရင်လည်း ရာဂဏန်းလောက်ရှိတဲ့ ပြည်သူတွေဟာ ဆန္ဒထုတ်ဖော်ခဲ့ကြတာကို တွေ့ရပြီး ဖြိုခွဲခံရမှုတော့ မရှိပါဘူး။
ဆန္ဒထုတ်ဖော်သူပြည်သူတွေဟာ ဆန္ဒထုတ်ဖော်မှုအတွင်း ကြွေးကြော်သံတွေနဲ့အတူ ညိမ်းခြမ်းစွာ ဆန္ဒထုတ်ဖော်ခဲ့ကြပြီး နေ့လည် သုံးနာရီဝန်းကျင်လောက်မှာ ဆန္ဒထုတ်ဖော်မှု ပြီးဆုံးသွားခဲ့ပါတယ်။