နွေဦးတော်လှန်ရေးမှာ ပါဝင်နေကြတဲ့ ပြည်သူတွေကို ရက်ရက်ရောရောနဲ့ အချဥ်ပေါင်းတွေအလကားလိုက်ကျွေးတတ်တဲ့ အချဥ်ပေါင်းသည်အန်တီကြီးကတော့ လူမှုကွန်ယက်သုံးစွဲသူတွေကြားမှာ ရေပန်းစားလျက်ရှိနေခဲ့ပါတယ်။ အဆိုပါအချဥ်ပေါင်းသည်အန်တီကြီးကတော့ စေတနာပါပါနဲ့ အချဥ်ပေါင်းတွေကို လိုက်ကျွေးတတ်ရုံသာမက စားသုံးနေသူတွေကိုပါ ဟန်ဆောင်မှုမရှိတဲ့ အပြုံးချိုချိုနဲ့ ပြုံးရယ်ပြတတ်သူတစ်ယောက်ပဲဖြစ်ပါတယ်။ 

ပြည်သူတွေအပေါ်ထားတဲ့ အချဥ်ပေါင်းသည်အန်တီကြီးရဲ့ စေတနာနဲ့မေတ္တာတရားတွေဟာ ရောင်ပြန်ဟက်ခဲ့ပြီး ပြည်သူတစ်ဦးကအဆိုပါအန်တီကြီးကို အိမ်နဲ့ခြံအလကားပေးခဲ့ပါတယ်။ မျက်နှာမြင်ချစ်ခင်ပါစေဆိုတဲ့ ဆုနဲ့ပြည့်စုံတဲ့ အချဥ်ပေါင်းသည်အန်တီကြီးရဲ့ ဓာတ်ပုံတွေကိုကြည့်ပြီး မင်းသမီးပိုးအိအိခန့်ကလည်း ချစ်ခင်နေခဲ့ပါတယ်။ ပိုးအိအိခန့်ကတော့ အပြုံးချိုချိုလေးတွေနဲ့ အချဥ်ပေါင်းတွေရက်ရက်ရောရောလိုက်ဝေတတ်တဲ့ အန်တီကြီးကို မြင်ရပါများလို့သဘောကျချစ်ခင်မိကြောင်း ဖွင့်ဟလာခဲ့ပါတယ်။ 

မင်းသမီးပိုးအိအိခန့်ကတော့ " မြင်ပါများပြီး အဲ့ဗန်းကြီးကိုစားချင်လာသလို မြင်လိုက်တိုင်းလည်း အဲ့ဒီအပြုံးကြီးနဲ့ ကျက်သရေရှိလွန်းလို့ ချစ်လာပြီ အန်တီရေ " ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ ယနေ့မှာလူထုလှုပ်ရှားမှုတွေကိုယ်စီပြုလုပ်နေကြတဲ့ မြန်မာပြည်သူပြည်သားတွေအားလုံး ဘေးဒုက္ခတွေများစွာမှ ကင်းဝေးပြီး စိတ်ချမ်းသာရတဲ့နေ့ရက်တွေဖြစ်ပါစေကြောင်းဆုတောင်းမေတ္တာပို့သပေးလိုက်ရပါတယ်။ 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။