ဖန်ဂရန်ရာဇီရေခဲတောင်ပေါ်က လိမ့်ကျသေဆုံးခဲ့တဲ့ မြန်မာ့နိုင်ငံအမျိုးသမီးတောင်တက်မယ်တစ်ဦး

နိုင်ငံတကာကြားမှာ မြန်မာ့အလံကို လွှင့်ထူနိုင်ဖို့အတွက် ကြိုးစားရုန်းကန်သူတွေထဲမှာ မြန်မာ့နိုင်ငံကိုယ်စားပြု တောင်တက်အဖွဲ့တွေကလည်း တခန်းတဏ္ဍပါဝင်လျှက်ရှိတာတွေ့ရပါတယ်။ အန္တရယ်ရှိ နာမည်ကြီးပြည်တွင်း တောင်တွေကိုသာမက ပြည်ပနိုင်ငံရှိ တောင်ကြီးတွေပေါ်လည်း မကြာခဏသွားရောက် ကြိုးစားလေ့ရှိပြီး မြန်မာ့အလံကို တောင်ထိပ်ပေါ်မှာ လွှင့်ထူလေ့ရှိကြတာတွေ့ရပါတယ်။ အဆိုပါ မြန်မာကိုယ်စားပြု တောင်တက်အဖွဲ့တွေထဲက The Summiter အဖွဲ့ဝင်တစ်ဦးကတော့ မကြာသေးမီက သေဆုံးသွားခဲ့ကြောင်း သိရပါတယ်။  

အဆိုပါ သေဆုံးသူကတော့ မစိမ့်ထက်အမည်ရှိ အမျိုးသမီးတစ်ဦးဖြစ်ပြီး ဖန်ဂရန်ဇီရေခဲတောင်ပေါ်မှာ ပြုတ်ကျသေဆုံးသွားခဲ့တာဖြစ်ကြောင်းသိရပါတယ်။ ဖြစ်စဉ်နဲ့ပတ်သက်ပြီး "6.4.2019 ပူတာအိုကစထွက်ခဲ့တဲ့ ဖန်ဂရန်ရာဇီရေခဲတောင်ခရီးစဉ်မှာThe Summiter အဖွဲ့ဝင်တွေရဲ့စိတ်ဓာတ်၊ဇွဲ၊လုံ့လ၊ဝီရိယ မာကျောမှုကို အသိအမှတ်ပြုခဲ့တဲ့တဲ့ခရီးစဉ်တစ်ခုဖြစ်ခဲ့ပါတယ် ။ အဖွဲ့ဝင် အားလုံးချစ်ချစ်ခင်ခင်စည်းစည်းလုံးလုံး မဆုတ်မနှစ်သောစိတ်ဓာတ်တွေနဲ့ ဖန်ဂရန်ရာဇီတောင်ထိပ်ကိုရောက်အောင်အတူတူကြိုးစားခဲ့ကြတယ်။ ၁၂.၄.၂၀၁၉ မနက် ၈:၅၀ မှာအဖွဲ့ဝင် အယောက် ၂၀ တောင်ထိပ်မှာ အောင်ပွဲခံခဲ့တယ်။ အောင်မြင်မှု့နဲ့အတူပါလာတဲ့ ပီတိမျက်ရည်တွေနဲ့ ထွေးပွေ့အောင်ပွဲခံခဲ့တယ် အတိုင်းအဆမဲ့ပျော်ရွှင်မှု တွေနဲ့အတူ အမိမြေအတွက်နိုင်ငံတော်အလံလွှင့်ထူရင်းနိုင်ငံတော်သီချင်းကိုသံပြိုင်သီဆိုဟစ်ကြွေးခဲ့ကြတယ်။ တောင်ထိပ်က အဆင်းမနက် ၉:၃၀ မှာအဖွဲ့ဝင် ညီမ Saint Htet တစ်ယောက် မတော်တဆခြေချော်ပြီး အသက်ဆုံးရှုံးခဲ့ရတဲ့ အတွက် အဖွဲ့သားအားလုံးရဲ့ရင်ထဲ အောင်မြင်မှု့ရဲ့နောက်မှာဆုံးရှုံးမှု့ကြီးမားခဲ့တယ်။ အစွမ်းကုန်ကြိုးစားရှာဖွေပီးတွေ့ရှိခဲ့သော်လည်း မည်သို့မျှပြန်လည်သယ်ဆောင်ရန်မဖြစ်နိုင်သည့်အနေအထားကြောင့်အဖွဲ့သားအားလုံး၏ရင်ထဲဆို့နင့်ဝမ်းနည်းစွာဖြင့်လက်လျှော့၍လှည့်ပြန်ခဲ့ကြရပါတယ်။" ဟူ၍ The Summiter အဖွဲ့သားတွေက ပြောပြထားတာတွေ့ရပါတယ်။  

မိသားစုနဲ့ထပ်တူဝမ်းနည်းမှု့တွေဝင်ရောက်လာခဲ့ရသော တောင်တက်စက်ဘီးစီး Outdoor Adventure Athlete မျိုးဆက်သစ် ညီမတစ်ယောက် ဆုံးရှုံးခဲ့ရသောခရီးစဉ်တစ်ခုလည်းဖြစ်ခဲ့ကြောင်း ဆက်လက်ပြောကြားထားတာတွေ့ရပါတယ်။ ငယ်ရွယ်နုပျိုသူတစ်ဦးဖြစ်သလို ပြည်တွင်း ပရဟိတလုပ်ငန်းတွေနဲ့ အတူ ဖော်ဖော်ရွေရွေနေတက်သူတစ်ဦးဖြစ်တဲ့အဆိုပါ သေဆုံးသူ ရဲ့ ပုံရိပ်လေးတွေကို မျှဝေရင်း ကောင်းရာဘုံဘဝရောက်ရှိနိုင်ဖို့ ဆုတောင်းပေးလိုက်ပါတယ်။

pHOTOS - ZAW KHINE