၁။ Afghanistan
ကုန်းတွင်းပိတ် နိုင်ငံငယ် ၃ နိုင်ငံထဲက တစ်ခုအပါအဝင်ဖြစ်တဲ့ အာဖရန်နစ္စတန်နိုင်ငံဟာ အစ္စလာမ်ဘာသာကို အဓိက ကိုးကွယ်ကြပြီး အကြီးဆုံးမြို့တော်မှာ Kabul မြို့ပဲ ဖြစ်ပါတယ်။ ၂၀၁၉ ခုနှစ် စာရင်းတွေအရ အာဖဂန်နစ္စတန်နိုင်ငံရဲ့ လူဦးရေမှာ ၃၂.၉ သန်းရှိမယ်လို့ ခန့်မှန်းရပြီး မြို့ပြနေ ဦးရေမှာ ၂၃.၉% ၊ ကျေးလက်နေ ဦးရေမှာ ၇၁.၄% နဲ့ ကျန် ၄.၇% ကတော့ ခြေသလုံးအိမ်တိုင် အိမ်ခြေရာမဲ့သူများ ဖြစ်ပါတယ်။ ၂၀၁၃ ခုနှစ်စာရင်းအရ အာဖဂန်နစ္စတန်ဟာ ကမ္ဘာပေါ်က ဒုက္ခသည်အများဆုံး ရှိတဲ့ နိုင်ငံတစ်နိုင်ငံ ဖြစ်လာပါတယ်။ ဒါအပြင် အစိုးရအုပ်စု ဂိုဏ်းများကွဲနေတဲ့ Afghanistan ဟာ အကြမ်းဖက်သမားတွေရဲ့ တိုက်ခိုက်မှုကြောင့် လုံခြုံရေးအခြေအနေ မတည်ငြိမ်ဘဲ ရင်တမမ နေနေရပြီး မသွားသင့်တာကြောင့် ကမ္ဘာပေါ်က အန္တာရာယ်အရှိဆုံးနိုင်ငံ ဖြစ်လာပါတော့တယ်။
၂။ Central African Republic
ကမ္ဘာပေါ်က အဆင်းရဲဆုံးနိုင်ငံထဲက ပဉ္စမမြောက်နိုင်ငံဖြစ်တဲ့ ဗဟိုအာဖရိကသမ္မတနိုင်ငံဟာ နိုင်ငံ လူဦးရေရဲ့ ၇၀ ရာခိုင်နှုန်းနီးပါးကိုက ဆင်းရဲမွဲတေလျက် ရှိပါတယ်။ ၁၉၆၀ ခုနှစ်မှာ ပြင်သစ်ထံမှ လွတ်လပ်ရေးရရှိခဲ့ပြီး နောက်ပိုင်းကတည်းက ဆက်တိုက် မတည်ငြိမ် ၊ မတိုးတက်ဖြစ်ခဲ့တဲ့ ဗဟိုအာဖရိကသမ္မတနိုင်ငံဟာ စိန် ၊ ရွှေ ၊ ရေနံ နဲ့ ရေနီယံများ ကြွယ်ဝစွာရှိတဲ့ နိုင်ငံတစ်နိုင်ငံပဲ ဖြစ်ပါတယ်။ အစိုးရအဖွဲ့အချင်းချင်းပင် စည်းလုံးညီညွတ်မှု မရှိပဲ အာဏာလုနေကြတာကြောင့် အမြဲတစေ မတည်ငြိမ် အကြမ်းဖက်မှုများ ဖြစ်နေတဲ့ Central African Republic နိုင်ငံဟာ မြင့်မားလှတဲ့ တောတောင် ၊ ရေပြင် ၊ ပင်လယ် ၊မြစ်ချောင်း နဲ့ သဘာဝသယံဇာတပစ္စည်းများ ကြွယ်ဝပြီး ပြည်သူများဆင်းရဲနေတာ ဝမ်းနည်းဖွယ်ပဲ ဖြစ်ပါတယ်။ ဆင်းရဲမွဲတေမှုတွေကြောင့် ပစ္စည်းခိုးမှု ၊ လုယက်မှု ၊ လူသတ်မှု ၊ ပြန်ပေးဆွဲမှု ၊ အိမ်တွင်းဖောက်မှု ၊ မတရားဖမ်းဆီးမှု ၊ သေနတ်ပစ်ခတ်မှု စတဲ့ အကြမ်းဖက် ရာဇဝတ်မှု များစွာ ရှိပြီး လုံခြုံရေးအတွက် သက်ဆိုင်ရာကလည်း အပြည့်အဝ တာဝန်မယူနိုင်တာကြောင့် ကမ္ဘာပေါ်က အန္တာရာယ်အရှိဆုံး နိုင်ငံတစ်ခု အပါအဝင် ဖြစ်လာပါတယ်။
၃။ Iraq
အနောက်အာရှနိုင်ငံ တစ်နိုင်ငံ ဖြစ်တြဲ တရားဝင် အီရတ်သမ္မတနိုင်ငံဟာ လူဦးရေ ၄၆ သန်းကျော် ရှိပြီး ၃၁ ခုမြောက် လူဦးရေအများဆုံး နိုင်ငံတစ်နိုင်ငံပဲ ဖြစ်ပါတယ်။ ဒါအပြင် ၄၃၇၀၇၂ ကီလိုမီတာ ( ၁၆၈၇၅၄ စတုရန်းမိုင် ) ကျယ်ဝန်းပြီး ကမ္ဘာပေါ်က ၅၈ ခုမြောက် အကြီးဆုံး နိုင်ငံတစ်နိုင်ငံလည်း ဖြစ်ပ့တယ်။ ၁၉၇၀ ခုနှစ်နှောင်းပိုင်းအထိမှာ အီရတ်နိုင်ငံဟာ ကမ္ဘာပေါ်က အကျော်ကြားဆုံး ခရီးသွားနေရာများထဲက တစ်ခု ဖြစ်လာခဲ့ပြီး နိုင်ငံရဲ့ သမိုင်းဝင် ဘာသာရေး ၊ ဘုရားစေတီများ နဲ့ မီတာ ၃၅၀၀ မြင့်တဲ့ တောင်တန်းများ ၊ ခံစားမှု တစ်မျိုးပေးစွမ်းနိုင်တဲ့ သဲကန္တရတို့ကြောင့် နိုင်ငံရပ်ခြား ခရီးသွားတို့ရဲ့ ပျော်မွေ့ရာ ဖြစ်ခဲ့ပါတယ်။ နောက်ပိုင်းမှာတော့ နိုင်ငံအစိုးရအဖွဲ့တို့ မတည်ငြိမ်မှု ၊ ခေါင်းဆောင်ကွဲမှု ၊ ပုန်ကန်မှုတို့ကြောင့် နိုင်ငံ လုံခြုံရေး မငြိမ်မသက်ဖြစ်ကာ အီရတ်ပြည်သူပြည်သားတို့ ဆင်းရဲမွဲတေမှုနဲ့ ကြုံလာရခဲ့ပါတယ်။ အကြမ်းဖက်သမားတို့ရဲ့ လက်နက်ကိုင်ပဋိပက္ခ ၊ ပြန်ပေးဆွဲမှုတို့ များစွာ ဖြစ်ပွားခဲ့ပြီး လက်ရှိမှာတော့ မတည်ငြိမ်သေးတဲ့ ကမ္ဘာ့အန္တရာယ်အများဆုံး နယ်မြေအဖြစ် သတ်မှတ်ထားပါတယ်။
Bong I.T