Deathstalker ကင်းမြီးကောက်ကတော့ Butgidae မိသားစုက ဆင်းသက်လာတဲ့ ကင်းမြီးကောက် မျိုးစိတ်တစ်မျိုးပဲ ဖြစ်ပါတယ်။ Naqab ကန္တာရကင်းမြီးကောက် သို့မဟုတ် ပါလက်စတိုင်းအဝါရောင်ကင်းမြီးကောက် လို့လည်း လူသိများပြီး အဝါနုရောင် အရောင်အဆင်း ရှိကြပါတယ်။ ပျမ်းမျှအားဖြင့် ၅၈ မီလီမီတာ ( ၂.၃ လက်မ ) ရှည်လျားပြီး မြောက်အာဖရိက မှ အရှေ့အလယ်ပိုင်းအထိ သဲကန္တာရ များနဲ့ ချုံနွယ်ထူထပ်တဲ့ နေရာတို့မှာ တွေ့ရနိုင်ပါတယ်။ ဆာဟာရ ၊ အာရေဗျသဲကန္တာရ ၊ အိန္ဒိယသဲကန္တာရ ၊ အာရှတိုက်အလယ်ပိုင်း နဲ့ အနောက်ပိုင်း ၊ အီဂျစ် ၊ အီသီယိုးပီးယား တို့အထိ ကျယ်ပြန့်စွာ တွေ့ရလေ့ ရှိပါတယ်။
သူတို့ရဲ့ နာမည်အတိုင်း Deathstalker ကင်းမြီးကောက်တွေမှာ ပြင်းထန်တဲ့ အဆိပ်ပြင်း ပါရှိပြီး အန္တာရာယ် အရှိဆုံး ကင်းမြီးကောက်မျိုးစိတ်ထဲက တစ်ခုပဲ ဖြစ်ပါတယ်။ Deathstalker ကင်းမြီးကောက်ရဲ့ အဆိပ်မှာ အာရုံကြော တစ်ရှူးများကို ပျက်စီးစေတဲ့ Neurotoxins အဆိပ်ဓာတ် ပါရှိပြီး သေစေနိုင်တဲ့ ပမာဏကတော့ ၅၀ ၊ ၅၀ ရှိတယ်လို့ ဆိုပါတယ်။ ကျန်းမာသန်စွမ်းတဲ့ လူရွယ်တစ်ယောက်ကို သေဆုံးနိုင်တဲ့အထိ မပြင်းထန်ပေမယ့် ကလေးသူငယ်များ ၊ လူကြီးရွယ်အိုများ နဲ့ ကိုယ်ခံအား အားနည်းတဲ့ ရောဂါအခံ ရှိသူတွေကိုတော့ Anaphylaxis ဓာတ်မတည့်မှု ဖြစ်စေကာ အသက်ဆုံးရှုံးနိုင်ပါတယ်။
အစ္စရေးနိုင်ငံက လေ့လာမှုတစ်ခုအရ Deathstalker တို့ရဲ့ အဆိပ် မိပြီးနောက် လူတစ်ယောက်ဟာ သရက်ရွက်ရောင်ခြင်း ရောဂါ ဖြစ်နိုင်နှုန်း များပြီး များသောအားဖြင့် အဆုတ်ရောင်ခြင်းဖြစ်ကာ သေဆုံးတတ်ပါတယ်။ ဒါကြောင့် Deathstalker တွေကို လက်ဝယ်ပိုင်ဆိုင်ခြင်းကို တားမြစ်ထားတဲ့ ဥပဒေများ ရှိပြီး အန္တာရာယ်ရှိတဲ့ တိရစ္ဆာန်မျိုးစိတ်အဖြစ် ကန့်သတ်ထားကြပါတယ်။ အလေးချိန် ၃ ဂရမ်သာ ရှိတဲ့ ဒီကင်းမြီးကောက်တွေဟာ ၂၅ နှစ်အထိ ရှင်သန်နေထိုင်နိုင်ကြတဲ့ ဖိုးသက်ပြင်းမျိုးစိတ်ပဲ ဖြစ်ပါတယ်။ သဲကန္တာရတွေမှာသာ အတွေ့များတဲ့ Deathstalker ကင်းမြီးကောက်တွေက ကျွန်မတို့ရဲ့ လူမှုဝန်းကျင်ကမ္ဘာမှာတော့ တွေ့ရခဲတဲ့ အန္တာရာယ်များတဲ့ ကင်းမြီးကောက်မျိုးစိတ်ပဲ ဖြစ်ပါတယ်။
Bong I.T