ပထမဆုံးတွေ့ဆုံမှုဟာ လူတွေအတွက်အတော်လေးအရေးကြီးပါတယ်။ ဒီတွေ့ဆုံမှုမှာ လုပ်မိတဲ့အပြုအမူတိုင်းဟာ ကို့်ယ်ကိုတစ်ပါးသူအမြင်မှာ ဘယ်လိုလူဖြစ်တယ်ဆိုတာကိုပုံဖော်ပေးနေမှာဖြစ်တာကြောင့် ပထမဆုံးတွေ့ဆုံမှုမှာ ရှောင်ကြဥ်သင့်တဲ့ အပြုအမူလေးတွေကို ဖော်ပြပေးလိုက်ပါတယ်။
တွေ့တွေ့ချင်းလူကို အချိန်ကြာအောင်စိုက်ကြည့်နေတာမျိုး အာရုံလွင့်နေသလိုစိုက်ကြည့်နေတာမျိုးမလုပ်မိပါစေနဲ့။ အကြည့်ချင်းဆုံတာဖြစ်သင့်ပေမဲ့ လိုတာထက်ပိုပြီးစိုက်ကြည့်နေခြင်းကတော့ ကောင်းမွန်တဲ့အထင်အမြင်တွေကိုဖြစ်လာစေမှာမဟုတ်ပါဘူး။ နေကာမျက်မှန်ဆောင်းနေတာ စကားပြောနေချိန် လည်ပင်းကိုပွတ်နေတာ လက်သည်းကိုက်နေတာမျိုးကလည်း တစ်ဖက်လူကို မလေးစားရာကျတာကြောင့် လုံးဝမလုပ်သင့်တဲ့အပြုအမူပါ။
လက်တွေကိုအိပ်ကပ်အတွင်းထည့်တာမျိုးနှင့် စကားပြောနေချိန်မှာ သိသိသာသာအညောင်းဆန့်တာတွေဟာ တစ်ဖက်လူအတွက်အထင်သေးစရာကောင်းတဲ့အပြုအမူဖြစ်ပါတယ်။ ခြေချိတ်ထိုင်တာ ကိုယ်အနေအထားကိုကောင်းကောင်းမထားဘဲ ပျင်းရိပျင်းတွဲ ထိုင်ခုံကိုမှီထိုင်နေတာမျိုးကလည်း First Impression ကိုလုံးဝမကောင်းစေမယ့် အပြုအမူဖြစ်ပါတယ်။
Bong I.T