လူငယ်ပိုင်းတွေအနေနှင့် အချိန်ကိုအကျိုးရှိအောင်အသုံးချဖို့အတွက် လိုအပ်ပါတယ်။ အချိန်ကို ဘဝအတွက် အဓိကကျတဲ့နေရာသုံးနေရာမှာပဲအသုံးချသင့်ပါတယ်။ ပြင်ပလိုအပ်ချက်တွေဖြစ်တဲ့ ရုပ်ရည်သွင်ပြင် အပြင်အဆင်တွေအတွက် အသုံးချခြင်းဟာလည်း မှန်ကန်တဲ့အသုံးချမှုပါ။ ကျန်းမာတဲ့ ခန္တာကိုယ်ရဖို့အတွက် အချိန်ပေးပြီး Gym ဆော့တာအပြင် တစ်ခြားအားကစားတွေလုပ်ဖို့အချိန်ပေးရပါမယ်။ ဒါ့အပြင်ကျွမ်းကျင်မှုအသစ်တွေ အရည်အချင်းအသစ်တွေရဖို့အတွက်ကိုလည်း အချိန်ပေးပြီးသင်ယူရမှာဖြစ်ပါတယ်။ ခံစားချက်နှင့်စိတ်ပိုင်းဆိုင်ရာအတွက်ကိုလည်း အလေးထားပေးပြီးတော့ စိတ်ပိုင်းဆိုင်ရာပိုပြီးသန်မာလာအောင် လေ့ကျင့်ပေးရပါမယ်။
အလားတူပဲ ငွေကြေးကိုလည်းပဲ အသုံးဝင်တဲ့နေရာတွေမှာပဲအသုံးချသင့်ပါတယ်။ ဒီအသုံးချမှုမှာ ပြင်ပအသုံးတွေဖြစ်တဲ့ ပရဟိတကူငွေတွေထည့်ဝင်တာ ဆွေမျိုးနီးစပ်တွေကို ကူညီတာမျိုးပါလုပ်နိုင်ရပါမယ်။ ပြီးတော့ ကောင်းမွန်တဲ့အစားအစာတွေဟာလည်းပဲ ပိုက်ဆံအကုန်ခံသင့်တဲ့အရာတွေဖြစ်ပါတယ်။ ဒါ့အပြင် ငွေကြေးကိုမှန်ကန်တဲ့ရင်းနှီးမြုပ်နှံမှုလုပ်ထားခြင်းကလည်း ကောင်းကောင်းအသုံးချခြင်းပဲဖြစ်ပါတယ်။ လူအများစုဟာ ငွေကိုရင်းနှီးမြုပ်နှံဖို့ကြောက်ရွံ့တတ်ကြပါတယ်။
Bong I.T