ပိုင်ဆိုင်ဖို့ခက်ခဲသလို တန်ဖိုးလည်းကြီးမားလွန်းတယ်ဆိုတဲ့ အရာတွေထဲမှာ Fit ဖြစ်ပြီးတော့ ကျန်းမာတဲ့ခန္ဓာကိုယ်က ထိပ်ဆုံးကနေပါဝင်ပါတယ်။ ဒီလိုခန္ဓာကိုယ်ဟာရဖို့မလွယ်ကူသလို တန်ဖိုးလည်းကြီးမားပါတယ်။ အေးချမ်းတဲ့စိတ်အခံဟာလည်း လုပ်ယူရင်တောင်ရနိုင်တဲ့အရာမဟုတ်သလို ဒီလိုစိတ်ရဖို့အတွက် ပေးဆပ်မှုတွေအများကြီးလုပ်နိုင်ဖို့လိုအပ်ပါတယ်။
ချစ်ဖို့ကောင်းပြီး အားပေးတတ်တဲ့မိသားစုဟာလည်း လူတိုင်းမရနိုင်တဲ့ တန်ဖိုးကြီးမားလွန်းတဲ့အရာပါ။ ဒီလိုမိသားစုကိုပိုင်ဆိုင်ဖို့ဆိုတာ ကံနှင့်လည်းသက်ဆိုင်တာကြောင့် လူတိုင်းမပိုင်ဆိုင်နိုင်တဲ့အရာဖြစ်ပါတယ်။ မိသားစုအပြင် အမြဲတမ်းဘေးနားရပ်တည်ပေးပြီး အားပေးတတ်တဲ့ ပါတနာရှိခြင်းကလည်း နောက်ထပ်ကောင်းမွန်တဲ့အရာတစ်ခုပဲဖြစ်ပါတယ်။
ကိုယ်တိုင်ဝါသနာပါပြီးတော့ ပျော်ရွှင်နိုင်တဲ့ အလုပ်ရှိခြင်းကလည်း လူတိုင်းမရနိုင်တဲ့အခွင့်ထူးတစ်ခုပါ။ ဒါ့အပြင် ဘဝမှာမထင်မှတ်ထားတဲ့ ကံကောင်းမှုတွေ မိတ်ဆွေကောင်းတွေဟာလည်း ပိုင်ဆိုင်ဖို့ခက်ခဲပြီးတန်ဖိုးကြီးမားလွန်းတဲ့အရာတွေဖြစ်ပါတယ်။