အမြဲပျော်နေတယ်လို့ထင်ရတဲ့လူတွေရဲ့ လျှို့ဝှက်ချက်များ

တစ်ချို့လူတွေဟာ လုပ်ယူထားတာမဟုတ်ဘဲ တစ်ကယ်ပျော်ရွှင်နေကြပြီးတော့ နေ့တိုင်းပျော်နေတဲ့ပုံရိပ်တွေရှိကြပါတယ်။ ဒီလိုလူတွေဟာ သိပ်ပြီးမကြွားဝါတတ်တဲ့သူတွေဖြစ်ပါတယ်။ သူတို့ပိုင်ဆိုင်ထားတဲ့အကြောင်းအရာတွေကို တစ်ခြားသူတွေသိစေဖို့အတွက် တကူးတကထုတ်မပြကြဘဲ အေးအေးချမ်းချမ်းနေတတ်ကြတဲ့သူတွေဖြစ်ပါတယ်။ 

စကားပြောဆိုတာတွေမှာလည်း များများပြောတာမျိုးမရှိဘဲ လိုအပ်သလောက်ပဲပြောပါတယ်။ အပြောသက်သက်နှင့်သူတစ်ပါးကိုကူညီတာမျိုးမလုပ်ဘဲ တစ်ကယ့်လက်တွေ့ကူညီပေးတာမျိုးလုပ်ကြပါတယ်။ ဒီလိုလူတွေဟာ သူတို့ထက်နိမ့်ပါးတဲ့သူတွေ ခက်ခဲနေသူတွေရှေ့မှာ ဂုဏ်ဖော်တာမျိုး ဘယ်တော့မှလုပ်တဲ့သူတွေမဟုတ်ပါဘူး။

ပြီးတော့ အရေးမပါတဲ့အရာတွေကို ဂရုမထားဘဲနဲ့ အပြည့်အဝလျစ်လျှုရှုထားတတ်ကြပါတယ်။ သူတို့အတွက် အတင်းပြောတဲ့သူတွေကိုအာရုံစိုက်ပြီးတော့ စိတ်ခံစားချက်ကိုရှုပ်ထွေးအောင်မလုပ်ကြပါဘူး။ မကောင်းတာတွေကိုမြန်မြန်မေ့ပြီးတော့ ကောင်းတဲ့အကြောင်းအရာတွေကိုပဲ အာရုံစိုက်ပြီး ကောင်းမွန်တဲ့စွမ်းအင်တွေကိုပဲ အာရုံပြုကြလေ့ရှိပါတယ်။