လူကောင်းတစ်ယောက်အဖြစ်နေထိုင်ဖို့အတွက် ထိန်းချုပ်ထားသင့်တဲ့ အရာငါးမျိုးရှိပါတယ်။ ပထမတစ်ခုကတော့ နှုတ်ပဲဖြစ်ပါတယ်။ စကားပြောခြင်းဟာ ဘာမှအရေးမပါသလိုထင်ရပေမဲ့ ကိစ္စတော်တော်များများကို ဖြစ်ပျက်သွားစေနိုင်ပါတယ်။ ဒါကြောင့် နှုတ်ကိုစောင့်ထိန်းခြင်းဟာ လူကောင်းဖြစ်စေဖို့အရေးကြီးတဲ့အချက်ဖြစ်ပါတယ်။
အတွေးတွေဟာလူကိုအပင်ပန်းဆုံးဖြစ်အောင်လုပ်နိုင်တဲ့အရာတွေပါ။ ဒါကြောင့် စိတ်ကိုထိန်းချုပ်ခြင်းကလည်း လိုအပ်တဲ့အရာတစ်ခုဖြစ်ပါတယ်။ ခံစားချက်တွေကိုဟာလည်း စိတ်လိုမျိုးပဲထိန်းချုပ်ရခက်တဲ့အရာပါ။ ဒါပေမဲ့ ဒီနှစ်ခုဟာလူတွေကိုအမြဲတမ်းပင်ပန်းစေတဲ့ အဓိအကြောင်းအရာတွေဖြစ်တာကြောင့် လူတွေအနေနှင့် လူကောင်းဖြစ်ဖို့ဆိုရင် ဒီနှစ်ခုကိုထိန်းချုပ်နိုင်ဖို့လည်း လိုအပ်ပါတယ်။
အပြုအမူတွေကလည်း လူတစ်ယောက်ရဲ့စိတ်နှင့်အဆင့်အတန်းကိုကိုယ်စားပြုတဲ့အကြောင်းအရာတွေပါ။ လူတွေအနေနှင့် လူကောင်းတစ်ယောက်ဖြစ်ဖို့ဆိုရင် ကောင်းမွန်တဲ့အပြုအမူတွေရှိနေဖို့လိုအပ်ပါတယ်။ ဒါ့အပြင် နောက်ဆုံးထိန်းချုပ်ရမယ့် အရာကတော့ ပိုက်ဆံပဲဖြစ်ပါတယ်။ ပိုက်ဆံသုံးတာကို ထိန်းချုပ်ခြင်းဟာလူတွေအတွက် အဓိကကျတဲ့ထိန်းချုပ်ခြင်းဖြစ်ပါတယ်။ ဒီလိုထိန်းချုပ်မှုတွေဟာ လူတွေကိုပိုပြီးကောင်းမွန်တဲ့ ပုံရိပ်နှင့်လူတစ်ယောက်ဖြစ်လာစေနိုင်ပါတယ်။