မကြာသေးခင်က HYBE ဖက်ကနေပြီး မင်းဟီဂျင်ဟာ ကုမ္မဏီကိုအပိုင်သိမ်းဖို့ အတွင်းသတင်းတွေပေါက်ကြားစေတာမျိုး နှင့် တခြားတရားမဝင်လုပ်ရပ်တွေလုပ်နေတယ်ဆိုပြီးစွပ်စွဲခဲ့ပါတယ်။ စွပ်စွဲချက်အရဆို မင်းဟီဂျင်ဟာသူ့လုပ်ဖော်ကိုင်ဖက် နှစ်ယောက်နှင့်အတူပူးပေါင်းပြီး ကိုသိမ်းပိုက်ဖို့ကြံစည်ခဲ့တာဖြစ်တယ်လို့သိရပါတယ်။
မင်းဟီဂျင်ဖက်ကနေတော့ သူမအနေနှင့်မကြာသေးခင်က ပွဲဦးထွက်ထားတဲ့ ILLIT အဖွဲ့ကနေပြီး New Jeans အဖွဲ့ရဲ့ပုံရိပ်နှင့်ဂီတတွေကို ကူးယူထားတာကြောင့် ဖြေရှင်းပေးဖို့ HYBE ဖက်ကိုတောင်းဆိုရာကနေအခု လိုစွပ်စွဲခံခဲ့ရတာဖြစ်ကြောင်းပြောခဲ့ပါတယ်။ ကုမ္မဏီဖက်ကနေ စွပ်စွဲထားသလိုမျိုး အပိုင်သိမ်းဖို့ရှယ်ယာရှင်တွေကိုတွေ့ဆုံတာ အနုပညာရှင်အတွင်းရေးဖော်ထုတ်တာမျိုးတွေမလုပ်ခဲ့ဘူးလို့ပြန်ဖြေရှင်းထားပါတယ်။
ဒါ့အပြင် သူမဖက်ကနေပြီး အခုလို New Jeans ရဲ့ Comeback နီးကပ်နေတဲ့အချိန်မှာ HYBE ဖက်ကနေ စာထုတ်လာတာဟာ အနုပညာရှင်ကိုဂရုမစိုက်ရာရောက်ကြောင်းပါပြောခဲ့ပါတယ်။ လတ်တလောမှာတော့ ဒီပြဿနာတွေကြောင့် HYBE ရဲ့ရှယ်ယာတွေဟာအတော်လေးအခြေအနေဆိုးနေပြီးတော့ ဘယ်လိုထပ်ဖြစ်မယ်ဆိုတာကို မသိရသေးပါဘူး။