ဒေါ်လာ ၈၀၀၀ထိပေးရတဲ့ အသေးဆုံးမြင်းမျိုးစိတ် Miniature horse

ဦးခေါင်းထိ အရှည် ၁၀၀ စင်တီမီတာ ( လက်မ ၄၀ ) သာရှိတဲ့ miniature horse မြင်းငယ်များသည် မြင်းကြီးမျိုးစိတ် နဲ့ မြင်းပုမျိုးစိတ်တို့ ‌ရဲ့ မျိုးရိုးဗီဇတွေကို နှစ်ပေါင်းများစွာ ပေါင်းပြီး တီထွင်ခဲ့တဲ့ မြင်းငယ်မျိုးစိတ်တစ်မျိုး ပဲဖြစ်ပါတယ်။ Miniature horse များကို အာဂျင်တီးနား ၊ ဩစတေးလျ ၊ ပြင်သစ် ၊ ဂျာမနီ ၊ ဟော်လန် ၊ အိုင်ယာလန် ၊ နမီးဘီးယား ၊ ဖီလစ်ပိုင် ၊ ယူနိုက်တက်ကင်းဒမ်း နဲ့ အမေရိကန်တို့ အပါအဝင် နိုင်ငံအများအပြားမှာ တွေ့ရပါတယ်။

အချို့သောနိုင်ငံတွေမှာ အိမ်မွေးတိရစ္ဆာန်များအဖြစ်လည်းကောင်း ၊ ကလေးငယ်များအတွက် ပြိုင်မြင်းများအဖြစ် လည်းကောင်း ၊ လမ်းပြမြင်းငယ်များအဖြစ်လည်းကောင်း အသုံးပြုကြပြီး လူယဉ်တဲ့ မြင်းမျိုးစိတ်လေးပဲ ဖြစ်ပါတယ်။ Miniature horse များသည် ယေဘုယျအားဖြင့် မြင်းကြီးများထက်တောင် ပိုမာကျောကြပြီး သူတို့ရဲ့ ဘဝသက်တမ်းမှာ ၂၅ နှစ် မှ ၃၅ နှစ်အထိ ရှင်သန်နိုင်ကြပါတယ်။ ဒီမြင်းလေးတွေဟာအသေးဆုံးမြင်းမျိုးစိတ်ထဲက တစ်မျိုး အပါအဝင်ပဲ ဖြစ်ပါတယ်။

အလေးချိန် ပေါင် ၁၅၀ မှ ၂၀၀ ဝန်းကျင်ရှိတဲ့ ဒီမြင်းငယ်တွေကို အကောင်အနေအထားအလိုက် ဒေါ်လာ ၁၉၀၀ မှ ၈၀၀၀ ကြားပေးရပါတယ်တဲ့။ နူးညံ့သိမ်မွေ့ပြီး ဉာဏ်ထက်တဲ့အပြင် ကြင်နာတတ်တာကြောင့် လူသားတွေနဲ့ ယှဉ်တွဲနေထိုင်လို့ ရကြပါတယ်။ တန်ဖိုးကြီးပြီး အချစ်ခံလေးများအဖြစ် စနစ်တကျမွေးမြူကြတဲ့ Miniature horse မြင်းငယ်တို့ဟာ မျိုးသုန်းပျောက်ကွယ်မဲ့ အခြေအနေတော့ မရှိသေးပါဘူး။